1 Kolinte 4:14 - Livulu lya Shukulu Kalunga

¹⁴ Njinasoneka evi vyuma, kesi ngwe njimizivise shwamwa embwe, oloni kumilongesa ngwe vana vange vanjazema.

1 Kolinte 4:14 Iomraidhean Croise

Ezekiyele 3:21

Nga unangula muka-vushunga ngeci kesi alinge vuvi, co ikeye atolilila kuli yove nakulikela kulinga vuvi, munu wa cifwa cangacije akayoya, co nove lalo kuukakala na mulonga.”

Vilinga vya Miluwa 20:31

Ngecivene, nyanyameni, co anukeni ngweni mutanya na vutsiki a myaka itatu njalongesele umo na umo weni na misozi yaingi.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

1 Kolinte 4:15

Omwo nameme muli na valongisi vakupwa 10,000, muli Yesu, oloni muli na ishweni umolika. Omwo mukuyoya kweni muli na Kilistu Yesu yange njinapu nji ishweni akuminenela Vin̄anda Vyavivwa.

1 Kolinte 4:17

Omwo a cuma eci njilinakutuma Timateo kuli yeni, uje napu munange wa kulongwa injazema muli mwene. Ikeye akumyanukisa vilongesa vije njilinakukava mu mwonyo wauha muli Kilistu Yesu, vije vinjikalongesa mu vikungulukilo mwoshe kwoshe-ikwoshe.

1 Kolinte 6:5

Shwamwa imikole! Mwa vushunga ali umo akati keni uje ali na mana asa kushungamesa n̄anda eyi akati ka vaka-Yesu.

1 Kolinte 9:15

Oloni kunjapangesele moko yange a vyuma evi embwe, nambe kunjesi nakusoneka evi ololo ngeci njilombe kukala na moko eyi. Mwamuvwa nga njinatsile akulivanga! Naumo wai atengulula moko yakulishasha kwange mu majwi amupulungwa!

2 Kolinte 11:11

Kuma njendeka ngeci omwo njamizinda ndi? Njambi azivuka ngeci njamizema!

2 Kolinte 12:19

Amo muyongola ngeci tulinakulisambesa yetu vavenya ku mesho eni ndi? Embwe! Tulinakwendeka ngwe omo Kilistu atuleka mukemwo twendeka ku mesho a Njambi, co vyuma vyoshe tulinga, vasamba vange, tulinakuvilinga mukukwasa yeni.

2 Kolinte 7:3

Kunjasa kwendeka ngwe kumhisa embwe, oloni ngwe omo njendekele akulivanga ngwange yeni munapu vasamba amo netu ngeci mwa vushunga vene tuli amo neni simbu yoshe, nambe tuyoya nambe tutsa.

Kolose 1:28

Ngecivene, tulinakwambulula Kilistu kuli vanu voshe. Na mana oshe tulinakuvanangula nakuvalongesa ngeci tunene umo na umo ku mesho a Njambi ngwe vanu vanakolo muli Kilistu.

1 Tesalonika 2:11

Mwazivuka ngeci yetu twapangesele umo na umo weni ngwe visemi vapangesa vana vavo vavenya.

1 Tesalonika 5:14

Vakwetu, tumisindiya ngwetu munangule volwa, takameseni vipapoki, kwaseni vaka-kuzeya, pweni vaka-lukakateya kuli voshe.

2 Tesalonika 3:14

Amo kuli umo uje kashaka kwononoka lijwi lyetu lije twatumu kuli yeni mu mukanda ou. Nga ngoconi, mukengeni, co mushondolokeni, ngeci shwamwa imukole.

Filimoni 1:10

Ngecivene, njikulambelela ali Onesimasi, uje napu munange muli Kilistu, omo njakele mu kamenga njapwile nji ishe mu munzinzime.

1 Yowano 2:1

Vana vange vavandondo, njilinakumisonekela evi, ngeci kesi mulinge vuvi, oloni nga umo alinga vuvi, tuli naumo muka-kutwimanena kuli Tate, ikeye Yesu Kilistu, muka vushunga.

3 Yowano 1:4

Kukwesi cimo cinjinenela kuvwaelela kutuvakana kuziva ngwavo vana vange valinakuyoya mu vushunga.