1 Kolinte 3:10 - Livulu lya Shukulu Kalunga

¹⁰ Akupangesa vwana vuje vwanjanene Njambi, njalingile vipangi vya muka-kutunga wa vutongwe nakujala luvula, co munu weka lalo alinakutungilao. Oloni munu na munu napande kunyanyama omo alinakutungila a luvula luje.

1 Kolinte 3:10 Iomraidhean Croise

2 Mizimbu 2:12

Shangazaleni Shukulu Kalunga Njambi ya Isalele, uje watangele lilu na asi, co naana Mwene Ndaviti mwana wa mana, wakushula nakuzivisisa na vutongwe, uje ali na vutumbe vwakutunga Njuvo ya Shukulu Kalunga Njambi, na lipela lyendi vavenya.

Kutuuka 36:4

Asinoni vanalume vatongwe vaje vakele nakupanga vipangi vezile

Visimo 12:8

Munu muka-mana vakamushangazala, oloni cilema vakamukenga na shwamwa.

Visimo 9:1

Mana anatungu njuvo yawo, nakuyishongela vimanda vyayo vitanu na vivali.

Muka-kwambulula 12:9

Oloni omwo Muka-kwambulula wapwile muka-mana, walongesele vanu vije vyazivukile. Ikeye walilongesele visimo, co welwile vushunga vwavyo.

Ndanyele 12:3

Co vaje vantwama va mana vakavyazima na ceke ca lilu. Co vaje valongesele vanu vavangi kulinga vya vushunga vakavyazima ku myaka yoshe ngwe vingongonosi.”

Zakaliya 4:9

Wendekele ngwendi, “Zelumbambele najala luvula lwa Njuvo yange, co ikeye lalo akaimanesa kuyitunga. Omo eci cikalingiwa, vanu vange vakazivuka ngeci yange njakutumine kuli vakevo.

Mateo 24:45

“Iyajo napu ngamba wa kulongwa nakunyanyama? Ikeye uje shukulu yendi namusezela kunyunga vakwavo vangamba nakuvana vyakulya a simbu yaivwa.

Mateo 7:24

“Ngecivene, woshe aziva majwi ange awa nakuwononoka, napu ngwe munalume uje wakunyanyama watungilile njuvo yendi a limanya.

Luka 11:35

Ngecivene, zivuka ngwove ceke cili muli yove kesi cipwe lisusulungu.

Luka 21:8

Yesu wendekele ngwendi, “Nyanyameni kesi vamikwise. Vanu vavangi vakaija mu lizina lyange nakwendeka ngwavo, ‘Yange vene ikeye!’ Co lalo ngwavo, ‘Simbu inete!’ Oloni kesi mukavakavangeye.

Vilinga vya Miluwa 18:27

Apolo wayongwele kuya ku Akaya, ngecivene, vaka-kukulaela va mu Efeso vamukwasele mukusonekela vaka-kukulaela va mu Akaya nakuvalomba ngeci vamutambule mwamuvwa. Omo wetele kuje, wapwile muka-kukwasa manene vaje vapwile vaka-kukulaela ngwe ku kutetela kwa Njambi.

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

Loma 15:15

Oloni mu mukanda ou njinasimpi akusoneka vyuma vimo vinjamyanukisa. Njinasimpi omwo a kutetela kuje kwananjana Njambi

Loma 15:20

Cizango cange simbu yoshe cinapu kwambulula Vin̄anda Vyavivwa mu mitambela ije kanda vazive vya Kilistu, kutewa njikatungila a luvula lwanendi laja munu weka.

1 Kolinte 3:11

Omwo Njambi naaka laja Yesu Kilistu kupwa luvula lumo, co kukwesi lalo luvula lweka vasa kujala lwai.

1 Kolinte 9:2

Nameme nga kuli veka kuvanjitambwile ngwe nji muluwa, oloni yeni munanjitambula! Omwo a myonyo yeni amo na Mwene yeni vavenya munapu vakaleo ngeci yange njinapu nji muluwa.

2 Kolinte 10:15

Ngecivene, kutwasa kulyalesa a vipangi vya veka vije vivanalingi nakutuvakana seteko ije yanatwimikila Njambi. Oloni tuli na cinyangavili ngeci kukulaela kweni cikakula, co ngeci tukase kupanga vipangi vyakama manene akati keni, oloni simbu yoshe tulinakupanga mu seteko eyi yanatwimikila Njambi.

Efeso 2:20

Neni lalo vanamitungu a luvula luje luvajalele miluwa na vaka-kwimanena, limanya lije lya mu mbango likelyo Kilistu Yesu vavenya.

Kolose 1:29

Akupanga evi njiwundangana nakulwa nakupangesa nzili yoshe ije yalinakunjana Kilistu, co ilinakupanga muli yange.

Kolose 4:17

Co lekeni Acipase ngweni, “Kenga ngwove unamanesa vipangi vije vivakwanene mukupangela Mwene.”

1 Tesalonika 3:2

Omo twacitumine Timateo, ndolome yetu muka-kupanga netu mu vipangi vya Njambi mukwambulula Vin̄anda Vyavivwa vya Kilistu. Twamutumine mukumitakamesa nakumikwasa akukulaela kweni,

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.

2 Timateo 2:15

Panga mwamuvwa ngeci utambule vukaleo vwavuvwa ku mesho a Njambi, ngwe muka-vipangi uje kesi na shwamwa ku vipangi vyendi, uje akalongesa mwamuvwa lijwi lya vushunga lya Njambi.

Yakomba 3:1

Vasamba vange, kucapandele muvavangi mupwe mu valongisi. Omwo mwazivuka ngweni yetu valongisi vakatusompa manene na vukalu kutuvakana veka.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

2 Petulu 3:15

Kengeni ku lukakateya lwa Mwene yetu ngwe ku simbu yanamyana ngeci mukovoke, ngwe muje mwamisonekelele Paulu musamba wetu itwazema, mukupangesa mana aje amwanene Njambi.

Kujombolola 21:14

Co civumbe ca nganda vacitungilile a luvula lwa mamanya likumi na avali, aje avasonekele mazina a miluwa va Muna Manga likumi na vavali.

Kujombolola 21:19

Co luvula lwa mamanya lwa civumbe ca nganda valupangesele na miyati yoshe ya mamanya a seo yakama. Luvula lwa limanya lwakulivanga lwapwile lwa limanya lya njasipa, co lwamucivali lwapwile lwa safile, lwamucitatu lwapwile lwa angeta, co lwamuciwana lwapwile lwa emalinde,