1 Kolinte 3:1 - Livulu lya Shukulu Kalunga

¹ Oloni vakwetu, kunjasele kwendeka neni ngwe njendeka kuli vanu vaje vali na Munzinzime, njendekele kuli yeni ngwe mu vaka-kaye, ngwe vanike vaje kanda vakole mu vuYesu.

1 Kolinte 3:1 Iomraidhean Croise

Mateo 16:23

Oloni Yesu watengulukile wendekele na Petulu ngwendi, “Tunda kuli yange ove Satana! Yove unapu u citanukiso mu ngila yange, omwo viyongola vyove vinapu vya vunu, kesi vya Njambi embwe!”

Loma 7:14

Twazivuka ngwetu Lishiko linapu lya ku munzinzime, oloni yange njinapu munu wa muvila wa situ, wakulandesa ngwe ndungo ku vuvi.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

1 Kolinte 14:37

Nga umo ayongola ngwendi napu muluwa wa Njambi, nambe ali na vwana vwa munzinzime, napande kunanguka ngeci evi njilinakumisonekela vinapu lishiko lya Mwene.

1 Kolinte 2:6

Oloni njambulula muzimbu wa mana kuli vaje vanakolo mu munzinzime. Oloni kesi mana aje anakundama muno mu kaye nambe ku vaka-kushwana va kaye kano, vaka-kushwana vaje nzili yavo ilinakuvatunda.

Ngalatiya 6:1

Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.

VaHevelu 5:13

Omwo woshe uje muka-kunwa mavele acili mwanike, kazivuka mwamuvwa vin̄anda vya vushunga nambe vyavivi.

1 Yowano 2:12

Njilinakumisonekela yeni vana vange vavandondo, omwo vivi vyeni vanavisambesa a lizina lya Kilistu.