1 Kolinte 2:9 - Livulu lya Shukulu Kalunga

⁹ Nameme ngoco, ngwe muvyendeka visoneka ngwavyo, “Vije naumo wai wavimwene nambe kuviziva, vije naumo wai waviyongwele ngeci vikalingiwa, vikevyo vyuuma vije vyavwaeselele Njambi vaje vamuzema.”

1 Kolinte 2:9 Iomraidhean Croise

Myaso 31:19

Mwa vushunga ngozi yove yakama, ije iwunatulikila vaje vakukomoka, ije iwunapangela vaje vavanda muli yove, ku mesho a vana va vanu!

Isaya 64:4

Naumo wai wamwene nambe wazivile Njambi wakufwa ngwe yove, uje muka-kulingila vyuma vyakukomokesa kuli vaje vaaka cinyangavili cavo muli yove.

Isaya 65:17

Shukulu Kalunga alinakwendeka ngwendi, “Njitanga kaye kakaha na melu amaha. Vyuma vyalaja vikahwa, co vakavivala.

Mateo 20:23

Ikeye wavalekele ngwendi, “Mukanwa mwa vushunga mu nganja yange, oloni nzili yakwangula uje akatumbama ku livoko lyange lya cilyo, nameme lyacimwoshe, kunjesi nayo. Oloni myela eyi inapu ya vaje Tate wavavwaeseleleyo laja.”

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.

1 Yowano 4:19

Tuzema omwo Njambi watuzemene akulivanga.