1 Kolinte 2:6 - Livulu lya Shukulu Kalunga

⁶ Oloni njambulula muzimbu wa mana kuli vaje vanakolo mu munzinzime. Oloni kesi mana aje anakundama muno mu kaye nambe ku vaka-kushwana va kaye kano, vaka-kushwana vaje nzili yavo ilinakuvatunda.

1 Kolinte 2:6 Iomraidhean Croise

Yombi 1:1

Kwakele munalume umo lizina lyendi Yombi, uje wakele mu lifuti lya Uze. Wapwile muka-vushunga na kulongwa, nakukomoka Njambi, nakulitenga ku vuvi.

Yombi 12:19

ikeye ononwesa vaka-kukombelela, co awisa vaka-nzili.

Yombi 12:21

Ikeye akazivisa shwamwa vanu vaje valinakushwana, nakumanesa nzili ya vaka-kushwana.

Myaso 146:4

Omo munu atsa, co eluka ku livu, matumbe endi oshe ahwa a litangwa lije atsa.

Myaso 33:10

Shukulu Kalunga anyongesa mana a vanu, ikeye atanganesa matumbe a vanu kuwapwisa angoco.

Myaso 37:37

Kenga ali muka- mulonga, na ali muka-vushunga, munu wa kwoloka wakala na vatekulwila vavangi,

Isaya 40:23

Njambi akakeesa vaka-kushwana vakama, nakuvapwisa vangoco.

Mateo 13:22

Vimbuto vije vyawililile akati ka mambimbo vinapu ngwe vaje vaziva lijwi, oloni lipakeso lya mwonyo na cizemo ca vufuko vitundisisa lijwi, co kuvemi vushuka.

Mateo 19:21

Yesu wamulekele ngwendi, “Nga ushaka kupwa wakulamba, ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Luka 16:8

Co shukulu yendi washangalele uje katumwa wakujeneka kulongwa, omwo walingile cuma ca mana, omwo vanu va ano a kaye vali na mana ku vyuma vyavo kutuvakana vanu vaje vali mu ceke.”

1 Kolinte 1:28

Ikeye waangwile vije vivashawile vaka-kaye nakuviyeluwisa nakuviyongola ngeci vinapu vyangoco, ngeci anyongese vije vivayongola vaka-kaye ngwavo vinapu vya vulemu.

1 Kolinte 12:8

Munzinzime aana munu umo muzimbu wa mana, co umo lalo Munzinzime amwana muzimbu wakuzivisisa.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

1 Kolinte 2:1

Omo njezile kuli yeni, vasamba vange, nakwambulula vushunga vwa Njambi vwakushweka kunjapangesele majwi akama, nambe kumwesa kulilongesa kwange kwakama.

1 Kolinte 2:13

Ngecivene, kutwendeka na majwi a vilongesa vya mana a vanu, oloni na majwi aje atulongesa Munzinzime, omo tulumbununa vushunga vwa munzinzime kuli vaje vali na Munzinzime.

1 Kolinte 2:8

Naumo wai muka-kushwana wa ano a kaye wazivukile mana awa. Nga vawazivukile, nga kuvashukikile Mwene wa vumpau.

1 Kolinte 3:1

Oloni vakwetu, kunjasele kwendeka neni ngwe njendeka kuli vanu vaje vali na Munzinzime, njendekele kuli yeni ngwe mu vaka-kaye, ngwe vanike vaje kanda vakole mu vuYesu.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

2 Kolinte 4:3

Oloni nga lijwi eli tulinakwambulula linapu lyakushweka, vanalishweka lika kuli vaje vanazimbala.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Kolose 1:28

Ngecivene, tulinakwambulula Kilistu kuli vanu voshe. Na mana oshe tulinakuvanangula nakuvalongesa ngeci tunene umo na umo ku mesho a Njambi ngwe vanu vanakolo muli Kilistu.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

VaHevelu 5:14

Oloni vyakulya vyakukola vyapwa vya vakulunu, vaje vanalilongesa nakwilula nakwangununa mukati ka vyuma vyavivwa nevi vyavivi.

VaHevelu 6:1

Ngecivene, tuyeni kulutwe ku vilongesa vyakulova, co tusezeni munima vilongesa vyakushangumuka lijwi lya vuka-Yesu. Co kutwapandele lalo kujala luvula lwakutunda mu ngila ya vipangi vyangoco neyi yakukulaela kuli Njambi,

Yakomba 3:15

Mana a cifwa cangacije kuwatundile mwilu embwe, awa akundama ku vya kaye, akewo kesi a ku munzinzime oloni a ku minzinzime yakujwala.

Yakomba 3:2

Omwo yetu voshe visimbu vyavingi tukaviisa. Oloni nga munu kesi kuviisa muvyendeka vyendi, co napu munu wakujela, co asa lalo kulinyunga ikeye vavenya.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.