1 Kolinte 2:4 - Livulu lya Shukulu Kalunga

⁴ co kulongesa kwange na muzimbu wange kuvyakele njavyanene na majwi a vutongwe a mana a vanu, oloni na cizivukiso ca nzili ya Munzinzime wa Njambi.

1 Kolinte 2:4 Iomraidhean Croise

Visimo 20:19

Muka-vishaki kasa kunyunga vyakushwekesa, ngecivene, kesi ulizilile nendi.

Visimo 7:21

Ngecivene, uje munakazi wazembelekele uje mukwenje nakumweseka na majwi endi akuseveleka.

Njelemiya 20:10

Njinazivi vanu vavangi vanjifweya ngwavo, “Kwoshe-ikwoshe kuli munjunju! Tumwambululeni ku vaka-kushwana!” Nameme vene vasamba vange va a mbunge vanavandamena ngeci njiwe. Vendeka ngwavo, “Amo twasa kumukwisa ngeci tumukwate tumulinge shambandinga.”

Ezekiyele 13:6

Vimona vyavo vinapu vya makuli, na vuka-kwimanena vwavo vunapu vwa makuli. Valinakwendeka ngwavo valinakwambulula majwi ange, oloni kunjavatumine embwe. Oloni vashaka ngeci majwi avo apwe a vushunga!

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

Vilinga vya Miluwa 26:28

Co Angilipa wendekele kuli Paulu ngwendi, “Mu simbu eyi yaindondo lika uyongola ngwove wasa kunjipwisa Muka-Yesu ndi?”

Loma 15:13

Co Njambi, nsina ya cinyangavili, amishulise nakuvwaelela kwoshe na kwoloka omwo akukulaela kweni, ngeci cinyangavili ceni cikole mu nzili ya Munzinzime Wakujela.

Loma 15:19

na nzili ya vizivukiso na vikomokeso, na nzili ya Munzinzime wa Njambi. Ngecivene, mukwenda kutunda ku Yelusalema nakweta ku Ilikyume, njinamanesa kwambulula Vin̄anda Vyaviwa vya Kilistu.

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

1 Kolinte 1:17

Omo Kilistu kanjitumine mukumbwitika. Oloni wanjitumine mukwambulula Vin̄anda Vyavivwa, nakuvyambulula kujeneka kupangesa endekesi ya mana a vanu, kutewa cilindakano ca Kilistu cipwa cangoco.

1 Kolinte 2:1

Omo njezile kuli yeni, vasamba vange, nakwambulula vushunga vwa Njambi vwakushweka kunjapangesele majwi akama, nambe kumwesa kulilongesa kwange kwakama.

1 Kolinte 2:13

Ngecivene, kutwendeka na majwi a vilongesa vya mana a vanu, oloni na majwi aje atulongesa Munzinzime, omo tulumbununa vushunga vwa munzinzime kuli vaje vali na Munzinzime.

1 Kolinte 4:20

Omwo Vumwene vwa Njambi kesi vwa majwi lika oloni na nzili.

2 Kolinte 6:6

Akujela kwetu na mukuzivuka na mu lukakateya na mu kutetela twamwesele kupwa tu vangamba va Njambi, ali Munzinzime Wakujela, na a cizemo cakujeneka makuli,

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Kolose 2:4

Ngecivene, njimileka ngwange, kesi mutave munu umo amikwise na vinguli vya makuli, nambe vikevyo vyavwaa vati.

1 Tesalonika 1:5

Omwo twaminenelele Vin̄anda Vyavivwa, kesi na majwi lika, oloni na nzili na Munzinzime Wakujela, co na lukakateya lwa vushunga vwavyo. Mwazivuka vati twayoyele omo twakele amo neni, eci capwile ngeci omwo yeni.

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.

2 Petulu 1:16

Omwo kutwakavele visimo vyakutunda ku mana a vanu mukumyambulwila vya kwija kwa Mwene yetu Yesu Kilistu mu nzili. Na mesho etu vavenya twamwene vukama vwendi.

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.

Maako 14:15

Co a litangwa lyamuciwana vendekele kuli munakazi wa Samusoni ngwavo, “Musoke-soke munalume wove, ngeci akuleke kulumbunuka kwa kasau aka. Nga kuulingimo, co tukakwenyeka yove na naanga ya isho. Kuma mwatusanene kuno ngeci mwakutwivile ndi?”

Maako 16:5

Co vimyene vatanu va vaFilisitiya vaile kuli uje munakazi vendekele nendi ngwavo, “Soka-soka Samusoni ngeci akuleke omwo vikajo wakala na nzili ya ngacije, co vatijo twasa kumufungulula, ngeci tumukute nakumuyandesa. Co yetu tukakwana vimbongo vya mavundungulu a siliva akupwa 1,100.”