1 Kolinte 2:13 - Livulu lya Shukulu Kalunga

¹³ Ngecivene, kutwendeka na majwi a vilongesa vya mana a vanu, oloni na majwi aje atulongesa Munzinzime, omo tulumbununa vushunga vwa munzinzime kuli vaje vali na Munzinzime.

1 Kolinte 2:13 Iomraidhean Croise

Luka 12:12

Omwo Munzinzime Wakujela akaminangula mumunapande kwendeka a simbu ije vene.”

Vilinga vya Miluwa 2:4

Co voshe vashulile na Munzinzime Wakujela, co vashangumukile kwendeka mu vindaka vyeka ngwe omo Munzinzime wavasesele ngeci vendeke.

1 Kolinte 1:17

Omo Kilistu kanjitumine mukumbwitika. Oloni wanjitumine mukwambulula Vin̄anda Vyavivwa, nakuvyambulula kujeneka kupangesa endekesi ya mana a vanu, kutewa cilindakano ca Kilistu cipwa cangoco.

1 Kolinte 14:2

Omwo vaje vendeka mu vindaka vyeka kuvesi nakwendeka kuli vakwavo oloni kuli Njambi, omwo naumo wai avaziva. Vendeka vyuma vyakushweka na nzili ya Munzinzime.

1 Kolinte 2:1

Omo njezile kuli yeni, vasamba vange, nakwambulula vushunga vwa Njambi vwakushweka kunjapangesele majwi akama, nambe kumwesa kulilongesa kwange kwakama.

1 Kolinte 2:14

Woshe uje kesi na Munzinzime kasa kutambula mavwana aje atunda kuli Munzinzime wa Njambi. Munu wangacije kasa kuwazivisisa, anapu angoco kuli ikeye, omwo seo yawo vanaiseteka na munzinzime.

1 Kolinte 2:4

co kulongesa kwange na muzimbu wange kuvyakele njavyanene na majwi a vutongwe a mana a vanu, oloni na cizivukiso ca nzili ya Munzinzime wa Njambi.

1 Kolinte 9:11

Nga tunakunu vimbuto vya munzinzime akati keni. Kuma cinapu cakama nga tuteja vwana kuli yeni ndi?

Efeso 5:19

Endekeni kuli umo na mukwavo na majwi a myaso na myaso ya ku san̄ulu na myaso yakujela, imbeni myaso kuli Mwene nakushangazala mu vimbunge vyeni.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.

2 Petulu 1:16

Omwo kutwakavele visimo vyakutunda ku mana a vanu mukumyambulwila vya kwija kwa Mwene yetu Yesu Kilistu mu nzili. Na mesho etu vavenya twamwene vukama vwendi.