1 Kolinte 16:6 - Livulu lya Shukulu Kalunga

⁶ Amo njikakala neni simbu yakupwamo, amo cisika coshe, co asinoni mwakunjikwase kutwalelelao vungenzi vwange, kwoshe kuje kunjikaila.

1 Kolinte 16:6 Iomraidhean Croise

Vilinga vya Miluwa 15:3

Ngecivene, cikungulukilo cavatumine, co omo vetile mu Fonisiya na mu Samaliya, co vambulwile vati vaje kesi vaYunda vatengulukilile kuli Njambi, co muzimbu ou wanenele kuvwaelela kwakama kuli vaka-kukulaela voshe.

Vilinga vya Miluwa 17:15

Vaje vanalume vasindikiiye Paulu vamwetesele ku Atena asinoni velukile ku Mbeleya, co wavashikile ngwendi, Silasi na Timateo vanapande kuya kuli ikeye vwasi-vwasi.

Vilinga vya Miluwa 20:38

Vakele na vusiwa vwakama manene omwo wendekele ngwendi kuvakamumono lalo. Co vamusindikiiye nakumwetesa ku vwato.

Vilinga vya Miluwa 21:5

Oloni omo simbu yetu yakukala navo yahwile, twakatukile twaile vungenzi vwetu. Co vakevo voshe, amo na vanakazi vavo na vanike, vatusindikiiye kututuwisa mu nganda nakuya ku kenge ya mema a kalunga kuje tuvavoshe twakatsikamene nakulombela.

Vilinga vya Miluwa 27:12

Co cije cikuma kucapwile cacivwa kukalamo simbu ya cisika, ngecivene, vanalume vavangi vakele na cizango cakusununa vwato nakweseka kweta ku Fonikisi, nga citava, ngeci tukakaleko a simbu ya cisika. Fonikisi capwile cikuma ca mu Kelete cije cakenga mu mbwela ya mu kangombe ka yambi na mu kunto ya mu ngangela.

Vilinga vya Miluwa 28:11

Omo kwetile vingonde vitatu twakovelele mu vwato vwatundile ku Alekizandiliya, vuje vatumbwile ngwavo, “Vinjambi va Vana Vampasa,” vuje vwakele cisika coshe muje mu lin̄anda.

Loma 15:24

njili na cinyangavili cakulinga ngeci ololo. Njishaka kumimona a vungenzi vwange vwa kuya ku Sepeine, ngeci mwakunjikwase akuya kuje, omo njinasikama neni kasimbu nakuvwaelela.

1 Kolinte 16:11

Naumo wai napande kumuyengula, oloni munapande kumukwasa ngeci atwaleo mu vungenzi vwendi mu kwoloka, ngeci akeluke kuli yange, omwo yange njamuvandamena aije amo na vaka-kukulaela.

2 Kolinte 1:16

Njayongwele kumisikamesa a vungenzi vwange vwakuya ku Masendoniya, co lalo akwilukamo, ngeci njiwane ngila yakunjikwasa a vungenzi vwange vwakuya ku Yundeya.

Tito 3:12

Omo njikatuma Aletemase nambe Taikikase kuli yove, co unapande kweseka kwija kuno kuli yange ku Nikopolise, omwo njayongola kukala kuje cisika coshe.