1 Kolinte 16:1 - Livulu lya Shukulu Kalunga

¹ Ololo a n̄anda mwasonekele ya vimbongo vyakukwasa vanu va Njambi vali mu lifuti lya Yundeya, munapande kulinga ngwe muje njalekele vaka-vikungulukilo vya ku Ngalatiya.

1 Kolinte 16:1 Iomraidhean Croise

Vilinga vya Miluwa 11:28

Umo wavo lizina lyendi Angambase wemanene na nzili ya Munzinzime wambulwile vuka-kwimanena ngwendi njala ya lyangengela ilinakwija ano asi oshe. (Co eci calingiwile omo Kalaundyase wapwile nguvulu.)

Vilinga vya Miluwa 11:30

Co valingile cuma eci, vaanene vimbongo kuli Mbanambase na Saulu ngeci vavitwale kuli vakulunu va cikungulukilo.

Vilinga vya Miluwa 16:6

Co vendele mu mutambela wa Filingiya na mu Ngalatiya omwo Munzinzime Wakujela wavavindikile kwambulula lijwi mu lifuti lya Asiya.

Vilinga vya Miluwa 18:23

Munima yakukala navo simbu, watundileko waile mu mutambela wa Ngalatiya na mu Filingiya nakutakamesa vaka-kukulaela voshe.

Vilinga vya Miluwa 24:17

“Omo njatundile ku Yelusalema myaka yaingi, njelukileko kutwala vimbongo kuli vanu vange nakukakombelela vin̄ombelo.

Vilinga vya Miluwa 9:13

Oloni Ananiyasi wakumbulwile ngwendi, “Mwene, vanu vavangi vananjileka vyowo munalume na vyuma vyavingi vyavikalu vyanalingi ku vanu vove mu Yelusalema.

Vilinga vya Miluwa 9:41

Co Petulu wamushwenyele nakumukwata ku livoko nakumwindula. Asinoni wasanene vaka-kukulaela voshe na vaje vifwile, co wavaneneye oku alinakuyoya.

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

1 Kolinte 11:34

Nga umo ali na njala, alivange kulya ku njuvo yendi, kutewa mukakovela mu cihiso ca Njambi omo mukunguluka. Ngwe a vin̄anda vyeka lalo, njakuvishungamesa omo njikaija.

1 Kolinte 16:15

Munazivuka Setefanase na naanga yendi, vakevo vaka-Yesu vakulivanga kutenguluka mu Akaya, co vanalyana vakevo vavenya kupangela vanu va Njambi. Njimilambelela, vavusamba vange,

1 Kolinte 4:17

Omwo a cuma eci njilinakutuma Timateo kuli yeni, uje napu munange wa kulongwa injazema muli mwene. Ikeye akumyanukisa vilongesa vije njilinakukava mu mwonyo wauha muli Kilistu Yesu, vije vinjikalongesa mu vikungulukilo mwoshe kwoshe-ikwoshe.

Ngalatiya 1:2

Vakwetu voshe njilinavo kuno tulinakutuma viindu ku vikungulukilo vya mu Ngalatiya ngwetu,

Ngalatiya 2:10

Vatulombele ngeci twanuke vaka-kujeneka mu mbunga yavo, eci cikeco cuma cakama cinjinashaka kulinga.

Filimoni 1:5

Omwo njilinakuziva cizemo cove kuli vanu va Njambi voshe nakukulaela kwove ulinakwo muli Mwene Yesu,

Filimoni 1:7

Cizemo cove, ndolome yange, cinanjinenela kuvwaelela kwakama nakunjitakamesa manene! Omwo yove unavwaelelesa vimbunge vya vanu va Njambi voshe.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

1 Yowano 3:17

Nga yetu tunafuku, co tumona vakwetu vanajeneka, co tukala na vukundwisi mu vimbunge vyetu kujeneka kuvakwasa, vatijo twendeka ngwetu tulinakuzema Njambi?