1 Kolinte 15:54 - Livulu lya Shukulu Kalunga

⁵⁴ Ngecivene, omo eci cikalingiwa, co cije ca kutsa cikazala cije cakujeneka kutsa, asinoni visoneka vikapwa vya vushunga, “Kutsa vanacinyongesa, kuhyana cinaija!”

1 Kolinte 15:54 Iomraidhean Croise

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Luka 20:36

Vakevo vakafwa ngwe tungelo kuvakasa lalo kutsa. Vakevo vanapu vana va Njambi, omwo vanasanguka ku vatsi.

Loma 1:23

co vanalikela kulemesa Njambi wakuyoya myaka yoshe, oloni valemesa vyuma vya vifwa vya munu uje kesi kuyoya myaka yoshe na vifwa vya tuzila nambe tusitu nambe vyakulikoka.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

Loma 6:12

Kesi mutave vuvi vushwane mu mivila yeni ije kuyesi kuyoya myaka yaingi, ngeci mwononoke mashungu avwo.

Loma 8:11

Nga Munzinzime wa Njambi, uje wasangwile Yesu ku vatsi, akala muli yeni, co uje wasangwile Kilistu ku vatsi ikeye lalo akana mwonyo ku mivila yeni ya kutsa a Munzinzime wendi uje ali muli yeni.

2 Kolinte 4:11

Nambe mukuyoya kwetu simbu yoshe twakala mu vushonde vwa kutsa omwo Yesu, ngeci mwonyo wendi lalo ukasholoke mu mivila yetu ya kutsa.

2 Kolinte 5:4

Omwo tucili nakuyoya mu mbalaka ya ano asi tulinakukemanga vene nakuyanda, kesi ngwe tushaka vatutundisemo mu muvila wa ano asi embwe, oloni tushaka vatuzike na muvila wa mwilu, ngecivene, cije ca kutsa vakacimwisa ca mwonyo.

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

Kujombolola 20:14

Asinoni kutsa na lifuti lya vatsi vavyumbilile mu lishali lya tuhya. (Eli lishali lya tuhya likelyo kutsa kwamucivali.)

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”