1 Kolinte 15:52 - Livulu lya Shukulu Kalunga

⁵² vwasi-vwasi, ngwe kukapula kwa lisho, omo lupembo lwakukotoka lukaimba. Omo lupembo lukaimba, co vatsi vakasanguka, kuvakatsi lalo, co yetu voshe tukemuka.

1 Kolinte 15:52 Iomraidhean Croise

Myaso 73:19

Vakaziva lyova lyakama, vakavanyongesa voshe njwa naumo wai akasalao.

Kutuuka 19:16

A mutondo wa litangwa lyamucitatu kwakele cililimo na mihyato, lishelwa lya kuhima lyasholokele a munkinda, na lijwi lyakama lya lupembo valizivile, ngeci vanu voshe mu cilombo vajajele na lyova.

Kutuuka 20:18

Omo vanu vazivile cililimo nakutenda kwa lupembo, co vamwene muhyato na vwisi vwakele nakukakama a munkinda, co vajajele na lyova, vemanene alyala.

Kutuuka 33:5

Co Shukulu Kalunga washikile Mosesa kuleka vanu vaIsalele ngwendi, “Yeni mu vanu vakukaluwa vimbunge. Nga yange njiya neni, nameme kasimbu lika kakandondo, njikaminyongesa njwa. Ngecivene, ololo tundiseni vya senga, ngeci njiyongole vatijo njilinga neni.”

Isaya 18:3

Tolilileni, yeni vanu voshe muli ano asi! Kengeleleni cimweso ca pandelo vaimika akamwa ya minkinda! Tolilileni lupembo lwimba!

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Ezekiyele 33:3

Omo amona citozi alinakushwenya, co aimba lupembo mukunangula vanu.

Ezekiyele 33:6

Ngecivene, nga muka-kunyunga amona citozi alinakwija, co kaimbi lupembo, co citozi aija nakutsiya vaje vaka-vuvi, oloni njikana uje muka-kunyunga mulonga a kutsa kwavo.

Zakaliya 9:14

Shukulu Kalunga akashuluka akamwa ya vanu vendi ngwe lishelwa, akasha mikili yendi ngwe muhyato. Shukulu Kalunga wa Akamwa ya Vyoshe akaimba lupembo, akalwila mu lihunzi kutunda ku mbwela.

Kulava 10:4

Oloni nga lupembo valwimba lumolika, co vantwama na vakulunu va vikota vya va Isalele vakakungulukile kuli yove.

Kulava 16:21

“Lyangunukeni na mbunga oyo ngeci njivanyongese ano vene.”

Kulava 16:45

“Lyangunukeni na mbunga ya vanu ava ngeci njivanyongese ano vene!” Co muvuvali vwavo valyumbilile asi,

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Yowano 5:25

Mwa vushunga njimileka ngwange, simbu ilinakwija, co inete laja, omo vatsi vakaziva lijwi lya Muna Njambi, co voshe vaje valiziva vakayoya.

Yowano 5:28

Kesi mukomoke a cuma eci, omwo simbu ilinakwija omo vatsi voshe vakaziva lijwi lyendi,

1 Kolinte 15:23

Oloni munu na munu akasangukila na ngila yendi, Kilistu ikeye mushoke wakulivanga ku voshe, asinoni na vaje vanakundama kuli Kilistu, vakasanguka omo akaija.

1 Kolinte 15:42

Eci cikeco cikakalako omo vatsi vakasangukila ku mwonyo. Omo muvila vanautsindi, uvola, omo ukasanguka, ukapwa wakujeneka kuvola.

1 Kolinte 15:50

Eci njilumbununa, vavusamba vange, cikeco eci ngwange cije cinatundu ku situ na maninga kucasa kukovela mu Vumwene vwa Njambi, co cije cakuvola kucasa kuswana cije cakujeneka kuvola.

1 Tesalonika 4:15

Evi tumilongesa ololo vinapu vilongesa vya Mwene ngeci, yetu tucili nakuyoya a litangwa lije Mwene akaija kutukatwama kulutwe lwa vaje vatsile laja.

2 Petulu 3:10

Oloni Litangwa lya Mwene likaija ngwe mwizi. A Litangwa lije kaye kakanyongolokota na cililimo cakama, co vyuma vya mwilu vikenya njwa nakunyonga, co kaye na vyuma vyoshe viliho vikanyongolokota.

Kujombolola 8:13

Asinoni njakengele, co njazivile ngonga uje wakele nakupulula kwilu a mukambwila wendekele na lijwi lyakama ngwendi, “Kekange kayando! Kayando! Kayando kakama kuli vaje vakala ano asi, omwo vililimo vije vinasalako vya malupembo a vaje tungelo vatatu vikaluma!”

Kujombolola 8:2

Asinoni njamwene tungelo vaje vatanu na vavali vaka-kwimana ku mesho a Njambi, co vavaanene malupembo atanu na avali.