1 Kolinte 15:34 - Livulu lya Shukulu Kalunga

³⁴ Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

1 Kolinte 15:34 Iomraidhean Croise

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 4:4

Kuluvala kweni, kesi kumitwamenene ku vuvi, omo mulala a malili eni, yongoleni a majwi awa.

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Njwele 1:5

Indukeni mulile, yeni vaka-kupenda, lileni, yeni vaka-kunwa vinyu, mikolovozi ya vushuka vwa vinyu vuje mukalingi vinyu vyaviha vanainyongesa.

Yona 1:6

Mukulunu wa vaka-kujavula vwato wamuwanenemo, co wamwihwile ngwendi, “Omwo vikajo unalalela tulo twangacije? Induka ulombele kuli njambi yove ngeci atukwase. Acimo atuzivilako mema ku mbunge, ngeci kesi tunyonge.”

Mateo 22:29

Oloni Yesu wavakumbulwile ngwendi, “Yeni mwasevuka! Omwo kumuzivuka Visoneka nambe nzili ya Njambi.

Yowano 5:14

Omo kwetile kasimbu, Yesu wamuwanene ali mu Njuvo ya Shukulu Kalunga, co wendekele kuli ikeye ngwendi, “Tolilila, ololo unakanguka, kesi ukalinge lalo vuvi kutewa cuma ceka cacivi manene cikakuwana.”

Yowano 8:11

Wamukumbulwile ngwendi, “Naumo wai, Mwene.” Yesu wendekele ngwendi, “Mwamuvwa, nange lalo kunjasa kukuhisa. Ya, oloni kesi ukalinge lalo vuvi.”]

Vilinga vya Miluwa 26:8

Omwo vikajo yeni mulikuno munawana kukaluwa akukulaela ngeci Njambi akasangula vatsi?

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Loma 13:11

Yeni munapande kulinga ngacije, omwo mwazivuka ngweni simbu inete ngeci mwinduke mu tulo. Omwo simbu yakutwamena ili kuyehi kutuvakana muje muyakele omo twakulaelele akulivanga.

1 Kolinte 4:14

Njinasoneka evi vyuma, kesi ngwe njimizivise shwamwa embwe, oloni kumilongesa ngwe vana vange vanjazema.

1 Kolinte 6:5

Shwamwa imikole! Mwa vushunga ali umo akati keni uje ali na mana asa kushungamesa n̄anda eyi akati ka vaka-Yesu.

1 Kolinte 8:7

Oloni kesi ngwe vanu voshe vali na mana awa. Oloni vamo vanezilila tumponya nalelo lino omo valya vyakulya vyangacije vakayongola ngwe vyakundama ku kamponya, citaku-taku cavo cinazeye, co vayongola ngwe valinakulijwalesa omo valya vyakulya vyangacije.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

1 Tesalonika 4:5

kesi na mashungu amavi, ngwe vaka-kujeneka kukulaela vaje kuvazivuka Njambi.