1 Kolinte 15:26 - Livulu lya Shukulu Kalunga

²⁶ Citozi wakukotokela yakafungulula ikeye kutsa.

1 Kolinte 15:26 Iomraidhean Croise

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Luka 20:36

Vakevo vakafwa ngwe tungelo kuvakasa lalo kutsa. Vakevo vanapu vana va Njambi, omwo vanasanguka ku vatsi.

1 Kolinte 15:55

“Ove Kutsa, kuhyana kwove cilikulijo? Ove Kutsa, nzili yove yakuvulumuna ilikulijo?”

2 Timateo 1:10

oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.

VaHevelu 2:14

Ngecivene, omo vana vanatambula ku situ na maninga, Yesu nendi lalo walipwisile ngwe vakevo watambwile cisemwa cavo ca vunu vwa ano asi. Ikeye walingile eci ngeci a kutsa anyongese uje wakele na nzili ya kutsa, ikeye vene Liyavola.

Kujombolola 20:13

Co mema a kalunga atuwisile vatsi vaje vakelemo. Kutsa na lifuti lya vatsi lalo vecelele vatsi vaje vakelemo. Co voshe vavasompele ngwe ku vilinga vyavo vije vivalingile.

Kujombolola 20:14

Asinoni kutsa na lifuti lya vatsi vavyumbilile mu lishali lya tuhya. (Eli lishali lya tuhya likelyo kutsa kwamucivali.)

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”