1 Kolinte 15:23 - Livulu lya Shukulu Kalunga

²³ Oloni munu na munu akasangukila na ngila yendi, Kilistu ikeye mushoke wakulivanga ku voshe, asinoni na vaje vanakundama kuli Kilistu, vakasanguka omo akaija.

1 Kolinte 15:23 Iomraidhean Croise

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mateo 16:28

Mwa vushunga njimileka ngwange, kuvali vamo kuno kuvakatsi kuvanga vanamono Muna Munu alinakwija mu vumwene vwendi.”

Vilinga vya Miluwa 26:23

ngwavo Wakuvwavesa napande kuyanda nakupwa umo wakulivanga kusanguka ku vatsi nakwambulula ceke cakwovoka kuli vaYunda na kuli vaje kesi vaYunda.”

1 Kolinte 15:20

Oloni vushunga vwa vyuma evi vunapu ovu, Kilistu vamusangwile ku vatsi, ngwe vemikile ngeci ngwavo vaje vanalala tulo twa kutsa vakavasangula lalo.

1 Kolinte 15:52

vwasi-vwasi, ngwe kukapula kwa lisho, omo lupembo lwakukotoka lukaimba. Omo lupembo lukaimba, co vatsi vakasanguka, kuvakatsi lalo, co yetu voshe tukemuka.

1 Kolinte 3:23

co yeni munakundama kuli Kilistu, co Kilistu nakundama kuli Njambi.

1 Kolinte 6:14

Njambi wasangwile Mwene ku vatsi, co ikeye lalo akatusangula na nzili yendi.

2 Kolinte 10:7

Yeni mulinakumona vyuma ngwe muvinafu ku mutambela wa anja. Kuma kuli munu umo alinakulimona vavenya ngwendi nakundama kuli Kilistu ndi? Eyo, mweseleni aliyongole vavenya lalo, omwo netu lalo tunapu vanu va Kilistu ngwe muje mwanafu ikeye.

Ngalatiya 3:29

Co nga munakundama kuli Kilistu, ngecivene, yeni munapu vatekulwila va Avilahama, co mukatambula vije vyakulaesele Njambi.

Ngalatiya 5:24

Co voshe vaje vanakundama kuli Kilistu Yesu vanatsii cisemwa cavo ca vunu na mashungu aco oshe.

Filipu 3:11

mukukulaela ngeci yange vakanjisangule kutunda ku kutsa nakuya ku mwonyo.

1 Tesalonika 2:19

Ngecivene, munapu yeni, kesi veka embwe, vaje vanapu cinyangavili cetu nakujolela kwetu na kulyalesa kwetu akuhyana ku mesho a Mwene Yesu omo akaija.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,