1 Kolinte 15:20 - Livulu lya Shukulu Kalunga

²⁰ Oloni vushunga vwa vyuma evi vunapu ovu, Kilistu vamusangwile ku vatsi, ngwe vemikile ngeci ngwavo vaje vanalala tulo twa kutsa vakavasangula lalo.

1 Kolinte 15:20 Iomraidhean Croise

Vilinga vya Miluwa 2:24

Oloni Njambi wamusangwile ku vatsi, wamupatwile ku nzili ya kutsa, omwo kucatavele ngeci kutsa cimupwise cinzinda.

Vilinga vya Miluwa 26:23

ngwavo Wakuvwavesa napande kuyanda nakupwa umo wakulivanga kusanguka ku vatsi nakwambulula ceke cakwovoka kuli vaYunda na kuli vaje kesi vaYunda.”

Loma 8:11

Nga Munzinzime wa Njambi, uje wasangwile Yesu ku vatsi, akala muli yeni, co uje wasangwile Kilistu ku vatsi ikeye lalo akana mwonyo ku mivila yeni ya kutsa a Munzinzime wendi uje ali muli yeni.

1 Kolinte 15:23

Oloni munu na munu akasangukila na ngila yendi, Kilistu ikeye mushoke wakulivanga ku voshe, asinoni na vaje vanakundama kuli Kilistu, vakasanguka omo akaija.

1 Kolinte 15:6

Asinoni washolokele a simbu imolika kuli vaje vaka-kumukava vakupwa ngwe 500, vamo vavo vacili nakuyoya, nameme vamo vanatsi.

Kolose 1:18

Ikeye napu mutwe wa muvila wendi, ukewo cikungulukilo, na nsina ya mwonyo wa muvila. Napu Mwana wa ntwatwa, uje wasangukile kutunda ku vatsi, ngeci ikeye lika napande kupwa wakulivanga mu vyuma vyoshe.

1 Tesalonika 4:16

Kukakala mutambi wa lijwi lyakama lyakushika, lijwi lya kangelo wakama, nakwoya kwa lupembo lwa Njambi, co Mwene ikeye vavenya akashuluka kutunda mwilu. Co vaje vatsile mukukulaela kuli Kilistu vakasangukila ku mwonyo akulivanga,

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”