1 Kolinte 14:8 - Livulu lya Shukulu Kalunga

⁸ Co nga munu kasa kwimba mwamuvwa lupembo lwakusana, iyajo alivwaesela kulwa nzita?

1 Kolinte 14:8 Iomraidhean Croise

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Njwele 2:1

Imbeni lupembo, co imbeni mwondo a Siyone, lilundu lya Njambi lyakujela. Jajeni, yeni vanu va mu Yunda! Litangwa lya Shukulu Kalunga lili muyehi.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

Kulava 10:9

Omo muli mu nzita mu lifuti lyeni, mukalyamena ku vitozi veni vaje valinakumilwisa, mukaimba malupembo kashashutwiya, co vakamyanuka kuli Shukulu Kalunga Njambi yeni, ngeci akamyamene ku vitozi veni.

1 Kolinte 14:7

Yongoleni a vyakwimbisa vimo ngwe mbendo nambe kalyalya, vatijo munu azivuka muyoyo wa vweho vwavyo kujeneka muku wavyo kuutuula mwamuvwa?