1 Kolinte 14:6 - Livulu lya Shukulu Kalunga

⁶ Ngecivene, omo njija kuli yeni, vavusamba vange, cikamikwasa vatijo nga njendeka mu vindaka vyeka? Kucinjikwasa embwe, kuvanga njimisholwele vimo vyakutunda kuli Njambi nambe mana amo nambe vuka-kwimanena nambe vimo vilongesa.

1 Kolinte 14:6 Iomraidhean Croise

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 23:32

Tolilileni vinjendeka yange Kalunga! Njazinda vaka-kwimanena vaje vambulula vinjozi vya makuli, co vaungumwisa vanu vange na makuli avo na kulyalesa kwavo. Yange kunjavatumine nambe kuvashika ngeci vaye, co lalo kuvesi na seo kuli vanu. Yange Kalunga, njinendekamo.”

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Mateo 16:26

Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai! Nacimo cai munu asa kwingisamo ngeci awane mwonyo wendi.

Vilinga vya Miluwa 2:42

Co vakakateyeye kulilongesa kuli miluwa na mu kulitombola na mukulipangela makende na mukulombela.

Loma 15:14

Vakwetu, njamono ngwange mwa vushunga yeni munashulu na vuvwa, munazivisisa manene, co mwasa kulilongesa umo na mukwavo.

Loma 16:17

Njimilambelela vakwetu ngwange, nyanyameni kuli vaje vanena kulyangunuka nakutanganesa kukulaela kwa vanu nakulwisa vilongesa vije vimwatambwile. Vashondolokeni!

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

1 Kolinte 10:33

Pangeni ngwe muje munjikapanga, njikeseka kuvwaelelesa voshe mu vyoshe vije njikalingi, kunjesi kuyongola vuvwa vwange vavenya, oloni vuvwa vwa voshe, ngeci vakovoke.

1 Kolinte 14:1

Ngecivene, munapande kushakezeka cizemo. Akeni vimbunge vyeni ku mavwana a munzinzime, manene a vwana vwakwambulula lijwi lya Njambi.

1 Kolinte 14:7

Yongoleni a vyakwimbisa vimo ngwe mbendo nambe kalyalya, vatijo munu azivuka muyoyo wa vweho vwavyo kujeneka muku wavyo kuutuula mwamuvwa?

2 Kolinte 11:6

Nambe njinapu wamundondo akwendeka, oloni mwa vushunga vene kesi mu mana embwe, omwo mu vingila vyoshe na a visimbu vyoshe tunamisholwela vyuma evi.

2 Kolinte 12:1

Njilyalesa, nameme ngwe kucasa kulinga cimo cacivwa. Oloni ololo njendeka a vimona na a vyakunjijombolokela vije vyanjanene Mwene.

2 Kolinte 12:7

Oloni mukunjinyunga kutewa njilyalesa omwo vyuma vije vyakukomokesa vinjamwene, co vanjanene mushongo wa lulanga mu muvila, uje wakele nakupanga ngwe muluwa wa Satana mukunjisindakana nakunjinyunga kutewa njilyalesa.

Efeso 1:17

nakwihula Njambi ya Mwene yetu Yesu Kilistu, Ishe ya vumpau, amyane munzinzime wa mana nakusholola Njambi kuli yeni, ngeci mumuzivuke.

Efeso 3:4

co nga mukalava vije vinjasoneka mwasa kulilongesa nakuzivuka visin̄iko vya Kilistu.)

Filipu 3:15

Yetu voshe tunakolo mu vyuma vya munzinzime tunapande kukala na mbunge yangacije. Oloni nga vamo veni vali na cifwa ca muyati weka, Njambi akasholola mwamuvwa cuma eci kuli yeni.

2 Timateo 2:14

Anukisa vanu vove a vyuma evi, vendekele nakuvanangula ku mesho a Njambi ngeci kesi valilwise a majwi. Kucikwasa, oloni civiisa lika vanu vaje vazivilila.

2 Timateo 3:10

Oloni yove unakavangeya kulongesa kwange na futisi yange na vutumbe vwakuyoya kwange, unanongonona kukulaela kwange na kusimpa kwange na lukakateya lwange,

2 Timateo 3:16

Omwo Visoneka vyoshe Njambi wahwiminininemo ngeci vili na seo mukulongesa vushunga, na mukwendekela, na mukushungamesa, namukwana vilongesa akuyoya kwakuvwa,

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 13:9

Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.

2 Petulu 1:5

Omwo a cuma eci, lingeni na nzili kuwezelelako vuvwa kukukulaela kweni, ku vuvwa vweni wezeleleniko mana,

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.

2 Yowano 1:9

Munu woshe uje kakala na vilongesa vya Kilistu, oloni avipulakana, ikeye kesi na Njambi. Woshe uje akala na vilongesa ali na vyoshe vivali, lshe na Mwana.

1 Samwele 12:21

Kesi mukavangeye vinjambi va makuli, vaje kuvasa kumikwasa nambe kumyamena, omwo kesi va vushunga embwe.