1 Kolinte 14:34 - Livulu lya Shukulu Kalunga

³⁴ vanakazi vanapande kwoloka kuluu mu cikungulukilo. Kuvavatavesele kwendeka, ngwe mulyendeka Lishiko lya vaYunda, kuvapandele kushika.

1 Kolinte 14:34 Iomraidhean Croise

Kushangumuka 3:16

Shukulu Kalunga Njambi wendekele kuli munakazi ngwendi, “Njikaamesa manene mushongo a simbu yove yakukita, mwa vushunga vene ukakita vana mu vukalu. Nameme ngoco, cizango cove cikakala kuli munalume wove, ikeye akakushika.”

1 Kolinte 11:13

Liiluleni yeni vavenya nga cinapu cuma cacivwa kuli munakazi kulombela kuli Njambi mu mbunga ya vanu vaje valemesa kujeneka cuma cimo cakufwika ku mutwe wendi.

1 Kolinte 11:3

Oloni njishaka muzivuke ngeci Kilistu napu mutwe wa munalume woshe, munalume napu mutwe wa munakazi wendi, co Njambi napu mutwe wa Kilistu.

1 Kolinte 11:5

Co munakazi woshe omo alombela nambe kwambulula lijwi lya Njambi mu mbunga ya vanu vaje valemesa, co kafwiki ku mutwe wendi alinakushaula munalume wendi, kukwesi kulitepesa mukati kendi na munakazi uje nateula ku mutwe wendi.

1 Kolinte 14:21

Vanasoneka mu Visoneka ngwavo, “Shukulu Kalunga nendeka ngwendi, njikendeka kuli vanu vange mukupangesa vanu vaka-kwendeka vindaka vyeka. Njikendeka navo na tunwa twa vangenzi, oloni nameme ngoco vanu vange kuvakanjitolilila.”

1 Kolinte 14:35

Nga vashaka kwihula cuma cimo, vanapande kwihula vanalume vavo ku vinjuvo. Cinapu cuma ca shwamwa manene kuli munakazi kwendeka mu cikungulukilo.

Efeso 5:33

Oloni cinenika yeni lalo, munalume woshe napande kuzema munkazi wendi ngwe mwalizema ikeye vavenya, co munakazi woshe napande kusingimika munalume wendi.

Kolose 3:18

Vanakazi, ononokeni kuli vanalume veni, omwo eci cikeco munapande kulinga akupwa vaka-Yesu.

Tito 2:5

vapwe vaka-kulinyunga, vajele, co vapwe vaka-kunyunga vinjuvo vyavo, vapwe vaka-kwononoka vanalume vavo, ngeci lijwi lya Njambi kesi valishaule kuli munu umo embwe.