1 Kolinte 14:3 - Livulu lya Shukulu Kalunga

³ Oloni vaje vambulula lijwi lya Njambi vendeka kuli vanu nakuvakwasa nakuvakolesa nakuvazembeleka.

1 Kolinte 14:3 Iomraidhean Croise

Luka 3:18

Ngecivene, Yowano wakele nakwambulula Vin̄anda Vyavivwa kuli vanu nakuvalambelela ngeci vatenguluke ku vingila vyavo.

Vilinga vya Miluwa 13:15

Omo valavele Lishiko lya Mosesa na visoneka vya vaka-kwimanena, co vakulunu va sinangonge vatumine lijwi kuli vakevo ngwavo, “Vandolome, tumishaka ngeci mwendeke kuli vanu nga muli na lijwi lyakuvatakamesa.”

Vilinga vya Miluwa 14:22

Vakolesele vaka-kukulaela nakuvatakamesa ngeci vapwe vaka-vushunga mukukulaela. Vavalongesele ngwavo, “Tunapande kwita mu tuyando twatungi ngeci tukovele mu Vumwene vwa Njambi.”

Vilinga vya Miluwa 15:32

Co Yundasa na Silasi vaje vapwile vaka-kwimanena, vendekele simbu yakama navo mu kuvasimpisa nakuvatakamesa.

Vilinga vya Miluwa 4:36

Co Yosefa, kaLevi uje wasemukilile mu Sepulasi, uje miluwa vamutumbwile ngwavo Mbanambasa (kulumbunuka ngwavo, “Muka-kuzembeleka”),

Vilinga vya Miluwa 9:31

Ngecivene, vikungulukilo vyoshe mu Yundeya na mu Ngalileya na mu Samaliya vakele na simbu ya kwoloka. Akukwasa kwa Munzinzime Wakujela vikungulukilo vyakolele nakuliwezelela, ngwe akuyoya kwavo mukukomoka Mwene.

Loma 12:8

nga vwakutakamesa vakwetu, co tunapande kulinga ngacije vene. Woshe uje muka-kwana vakwavo napande kucilinga na lyovwa-ovwa, co woshe uje muka-kushwana napande kupanga manene na nzili, woshe uje amwesa ngozi kuli vakwavo napande kucilinga na mbwase.

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

Loma 15:2

Oloni tuvavoshe tunapande kuvwaelelesa vakwetu mukuvalingila vyavivwa, ngeci vakole mukukulaela.

1 Kolinte 10:23

Ngecivene, vendeka ngwavo, “Vanatutavesa kulinga coshe-icoshe.” Eyo, mwa vushunga vene, oloni kesi vyuma vyoshe vyavivwa. “Vanatutavesa kulinga vyuma vyoshe,” oloni kesi vyuma vyoshe vikwasa embwe.

1 Kolinte 14:12

Ngecivene, omo muli na cizango cakushakezeka mavwana a Munzinzime, akamwa ya vyuma vyoshe munapande kweseka manene kupangesa mavwana aje akwasa kutunga cikungulukilo.

1 Kolinte 14:17

Nambe nga lilombelo lyeni lyakukandelela kuli Njambi linapu lyalivwa, oloni ku vanu veka kulyasa kuvawasa embwe.

1 Kolinte 14:26

Evi vikevyo njendeka, vavusamba vange. Omo mukunguluka amo nakulemesa, munu umo ali na mwaso, weka ali na cilongesa, weka asholola vya Njambi, weka ali na lijwi mu vindaka vyeka, co weka lalo anungulule vije vanendeka. Vyuma vyoshe vinapande kukwasa cikungulukilo.

1 Kolinte 14:31

Yeni voshe mwasa kwambulula lijwi lya Njambi, umo na umo, ngeci voshe valilongese nakulitakamesa.

1 Kolinte 8:1

Ololo, a vyuma vyakukombelela ku tumponya vije vimwasonekele. Mwa vushunga, twazivuka ngeci, “tuvavoshe tuli na mana.”. Mana akalingisa munu ngeci alyalese, oloni cizemo citungisa.

2 Kolinte 1:4

Ikeye muka-kutuzembeleka mu tuyando twetu twoshe, ngeci netu twase kuzembeleka vaje vali mu tuyando twakuliseza-seza, nakuzembeleka kuje kwatuzembelekele nakwo Njambi.

2 Kolinte 2:7

Co ololo, nameme ngoco, munapande kumusambesa nakumutakamesa, kutewa aziva vusiwa manene, co akonwa.

Efeso 4:29

Kesi mupangese majwi amavi omo mwendeka, oloni pangeseni majwi amavwa akukwasa, aje asa kutunga nakumyana vije vimunajeneka, ngeci vyoshe mwendeka vikapwe vyavivwa kuli voshe vaje vamitolilila.

Efeso 6:22

Eci cikeco cuma njamutumina kuli yeni, ngeci akumileke vati yetu voshe mutunendukila, co akatakamesa lalo vimbunge vyeni.

Kolose 4:8

Eci cikeco cuma njilinakumutumina kuli yeni, ngeci akumivwaelelese akumileka vati yetu voshe mutunendukila.

1 Tesalonika 2:11

Mwazivuka ngeci yetu twapangesele umo na umo weni ngwe visemi vapangesa vana vavo vavenya.

1 Tesalonika 2:3

Kulombela kwetu kuli yeni kukwemanene a vutumbe vwakusevwisa nambe a matumbe amavi, nambe kukwisa munu umo.

1 Tesalonika 3:2

Omo twacitumine Timateo, ndolome yetu muka-kupanga netu mu vipangi vya Njambi mukwambulula Vin̄anda Vyavivwa vya Kilistu. Twamutumine mukumitakamesa nakumikwasa akukulaela kweni,

1 Tesalonika 4:1

Mukumanesela, vasamba vetu, mwalilongesele kuli yetu vati munapande kuyoya ngeci muvwaelelese Njambi. Mwa vushunga vene, omu mukemwo mumunakala nakuyoya. Co ololo tumilomba nakumisindiya mu lizina lya Mwene Yesu ngwetu muwezeleleko manene.

1 Tesalonika 4:18

Ngecivene, litakameseni umo na mukwavo na majwi awa.

2 Tesalonika 3:12

Mu lizina lya Mwene Yesu Kilistu tulinakushika ava vanu nakuvanangula ngeci vanapande kuyoya mwamuvwa nakupanga vipangi vyakuvayoyesa mukuyoya kwavo vavenya.

1 Timateo 1:4

Valeke ngwove vanapande kwecela visimutwiya vya visimo vya ku san̄ulu na vya mikana ya mazina a malaja a vakukulwila, vije visholola lika vimata, omwo kuvyesi nakukundama ku vutumbe vwa Njambi, vuje tunavuzivuka akukulaela.

1 Timateo 4:13

Ana simbu yove kukulava lijwi kuli vanu na kukwambulula na kukulongesa, noo njikaija.

1 Timateo 6:2

Vindungo vaje vanakundama kuli vashukulu yavo vaje vanapu vaka-Yesu kesi vavayeluwise omwo vakevo vanapu vakwavo. Mu ngila eyi vene, vanapande kuvapangela mwamuvwa, omwo vaje vavezika ku vipangi vyavo vanapu vaka-kukulaela vaje vavazema. Unapande kulongesa nakwambulula vyuma evi.

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.

Tito 1:9

Napande kupwa muka-kukakateya mu lijwi mbe, lije vasa kukulaela, co lilitavasana nakulongesa kwetu. Mu ngila eyi vene akasa kutakamesa vakwavo na vilongesa vya vushunga, nakusholola lalo milonga ya vaje valinakushaula lijwi.

Tito 2:15

Longesa vyuma evi, co pangesa moko yove omo utakamesa nakuvindika vaje vakakukutolilila. Kesi utave umo wavo akuyelwise.

Tito 2:6

Mu ngila eyi vene, sindiya vakwenje lalo ngeci valinyunge vakevo vavenya.

Tito 2:9

Vindungo vanapande kwononoka kuli vashukulu vavo nakuvavwaelelesa mu vyuma vyoshe. Kuvapandele kukumbulula na kaleulwizi,

VaHevelu 10:25

Kesi tulikele kulikungulula amolika, ngwe futisi ya vamo. Oloni tulikoleseni umo na mukwavo nakuhyana, omwo Litangwa lya Mwene lili muyehi.

VaHevelu 13:22

Njilinakumilomba vakwetu, ngwange, tolilileni nakusimpa ku lijwi eli lyakumikolesa, ou mukanda njamisonekela kesi majwi amalaja embwe.

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

1 Petulu 5:12

Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.

Yunda 1:20

Oloni yeni vasamba vange, koleseni mukukulaela kweni kwakujela. Co lombeleni nzili ya Munzinzime Wakujela,