1 Kolinte 14:26 - Livulu lya Shukulu Kalunga

²⁶ Evi vikevyo njendeka, vavusamba vange. Omo mukunguluka amo nakulemesa, munu umo ali na mwaso, weka ali na cilongesa, weka asholola vya Njambi, weka ali na lijwi mu vindaka vyeka, co weka lalo anungulule vije vanendeka. Vyuma vyoshe vinapande kukwasa cikungulukilo.

1 Kolinte 14:26 Iomraidhean Croise

Loma 1:13

Vakwetu, munapande kwanuka ngweni visimbu vyavingi njakele na vutumbe vwakwija oko nakumisikamesa, oloni kuli cuma cimo cinanjivindika. Njishaka kukoka vanu akati keni, ngwe munjinalingi akati ka vaje kesi vaYunda.

Loma 12:7

nga vwakupangela, co tunapande kupanga vene, nga vwakulongesa, tulongeseni vene,

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

Loma 15:2

Oloni tuvavoshe tunapande kuvwaelelesa vakwetu mukuvalingila vyavivwa, ngeci vakole mukukulaela.

1 Kolinte 14:15

Ngecivene, vatijo njilinga? Njilombela na munzinzime wange, oloni njilombela lalo na mana ange, njiimba na munzinzime wange, co njiimba lalo na mana ange.

1 Kolinte 14:2

Omwo vaje vendeka mu vindaka vyeka kuvesi nakwendeka kuli vakwavo oloni kuli Njambi, omwo naumo wai avaziva. Vendeka vyuma vyakushweka na nzili ya Munzinzime.

1 Kolinte 14:27

Nga munu umo alinakwendeka vindaka vyeka, vavali nambe vatatu vendeke, oloni vendeke umo ku umo, co mukwavo napande kunungulula.

1 Kolinte 14:40

Oloni vyuma vyoshe vinapande kulingiwa mu vuvwa na muje muvinapande.

2 Kolinte 12:19

Amo muyongola ngeci tulinakulisambesa yetu vavenya ku mesho eni ndi? Embwe! Tulinakwendeka ngwe omo Kilistu atuleka mukemwo twendeka ku mesho a Njambi, co vyuma vyoshe tulinga, vasamba vange, tulinakuvilinga mukukwasa yeni.

2 Kolinte 13:10

Ngecivene, omwo kunjesi oko kuli yeni, njinamisonekela vyuma evi ngeci omo njakweta oko kesi njakupange neni na vukalu ngwe ku moko ije yanjanene Mwene, moko yakukolesa, kesi yakumishandola.

Efeso 4:12

Walingile eci mukuvwaesela vanu va Njambi vipangi vya vuka-Yesu, mukutunga muvila wa Kilistu.

Efeso 4:16

Ali ikeye vilyo vyoshe vya muvila vilinungakana amolika, co muvila woshe vanautungu amo mu manunga oshe ngwe kuseteko yawo. Ngecivene, omo cilyo cimo na cimo cipanga ngwe ku vipangi vyaco, co muvila woshe wamutunu ulinakukola, co ulinakulitunga ukewo vavenya mu cizemo.

Efeso 4:29

Kesi mupangese majwi amavi omo mwendeka, oloni pangeseni majwi amavwa akukwasa, aje asa kutunga nakumyana vije vimunajeneka, ngeci vyoshe mwendeka vikapwe vyavivwa kuli voshe vaje vamitolilila.

Efeso 5:19

Endekeni kuli umo na mukwavo na majwi a myaso na myaso ya ku san̄ulu na myaso yakujela, imbeni myaso kuli Mwene nakushangazala mu vimbunge vyeni.

1 Tesalonika 5:11

Ngecivene, litakameseni umo na mukwavo nakulikwasa umo na mukwavo, ngwe muje mumuli nakulinga ololo.