1 Kolinte 14:2 - Livulu lya Shukulu Kalunga

² Omwo vaje vendeka mu vindaka vyeka kuvesi nakwendeka kuli vakwavo oloni kuli Njambi, omwo naumo wai avaziva. Vendeka vyuma vyakushweka na nzili ya Munzinzime.

1 Kolinte 14:2 Iomraidhean Croise

Kushangumuka 11:7

Ngecivene, tuyeni tushuluke asi, tukatanganese muyati wavo ngeci omo vendeka kesi valizive.”

Kushangumuka 42:23

Yosefa wazivile vije vakele nakwendeka, oloni vakevo kuvacizivukile omwo vakele nakwendeka kuli ikeye mukuvanungulwila.

2 Vimyene 18:26

Ngecivene, Elyakime na Shevana na Yowahe valekele uje mwata ngwavo, “Endeka netu mu ndaka ya Alamaike tuziveko, kesi wendeke mu ciHevelu, omwo vanu voshe vali a civumbe valinakutolilila.”

Myaso 78:2

Njikendeka mu visimo na mu tusau a vyuma vije vyalingiwile ku san̄ulu,

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Mako 16:17

Co vaka-kukulaela vakavana nzili yakulinga vizivukiso, co vakatundisa minzinzime yakujwala mu lizina lyange, vakendeka vindaka vyaviha,

Mako 4:11

Co Yesu wavakumbulwile ngwendi, “Yeni vanamyana kuzivuka vyuma vya Vumwene vwa Njambi, oloni kuli ava vali anja, vakaziva muvinalumbunukila vyuma vyoshe kuvanga na visimo,

Vilinga vya Miluwa 10:46

Omwo vavazivile valinakwendeka mu vindaka vyeka nakushangazala vukama vwa Njambi. Asinoni Petulu wendekele ngwendi,

Vilinga vya Miluwa 19:6

Paulu wakambekele mavoko endi ali vakevo, co Munzinzime Wakujela wezile ali vakevo, vendekele mu vindaka vyeka, co lalo vambulwile muzimbu wa Njambi.

Vilinga vya Miluwa 22:9

Vaje vanalume vendele amo nange vamwene ceke, oloni kuvazivile lijwi lya uje wendekele kuli yange.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

1 Kolinte 12:10

Munzinzime aana munu umo nzili yakulinga vizivukiso, kuli weka vwana vwakwambulula lijwi lya Njambi, co kuli weka lalo nzili yakulumbununa kutepesa akati ka mavwana aje atunda kuli Munzinzime na aje kuwatundile kuli ikeye. Kuli munu umo amwana nzili yakwendeka vindaka vyaviha, kuli weka lalo amwana nzili yakulumbununa vindaka vyaviha vije vendeka.

1 Kolinte 12:28

Mu cikungulukilo, Njambi naaka vyoshe mu mwela umo, mu mwela wakulivanga miluwa, mu mwela wamucivali vaka-kwimanena, co mu mwela wamucitatu valongisi, asinoni vaje vaka-kulinga vizivukiso, kwatako vaje vavanaana nzili yakukangwisa nambe kukwasa vakwavo nambe kuvatwamenena nambe kwendeka vindaka vyaviha.

1 Kolinte 13:1

Nga njendeka mu vindaka vya vanu nambe vya tungelo, oloni nga kunjesi na cizemo, njinapu ngwe kutenda kwa vutale nambe kwoya kwa ngenjo.

1 Kolinte 13:2

Co nambe njili na vwana vwakwambulula nakuzivisisa vyuma vyakushweka, co nga njili nakukulaela kwoshe ngeci njase kushwenyesa minkinda, oloni nga kunjesi na cizemo njinapu wangoco.

1 Kolinte 14:16

Omo mukandelela kuli Njambi mu munzinzime lika, vati vanu vaje vali neni mu cikungulukilo vendeka ngwavo, “Ewa” ku lilombelo lyeni lyakukandelela? Vakevo kuvazivuka vika mulinakwendeka.

1 Kolinte 14:26

Evi vikevyo njendeka, vavusamba vange. Omo mukunguluka amo nakulemesa, munu umo ali na mwaso, weka ali na cilongesa, weka asholola vya Njambi, weka ali na lijwi mu vindaka vyeka, co weka lalo anungulule vije vanendeka. Vyuma vyoshe vinapande kukwasa cikungulukilo.

1 Kolinte 15:51

Tolilileni vushunga ovu vwakushwekesa, kutukatsi tuvavoshe, oloni yetu voshe tukemuka,

1 Kolinte 2:10

Oloni Njambi natusholwela vyakushwekesa ali Munzinzime wendi. Munzinzime akashakezeka vyuma vyoshe, nameme vizango vya Njambi vyakulova.

1 Kolinte 2:7

Mana awa njambulula anapu mana a Njambi akushweka, aje vanashwekesela vanu, oloni Njambi waangwile laja ku vumpau vwetu simbu kanda vatange kaye.

Efeso 6:19

Co nange lalo njilombeleleniko, ngeci Njambi anjane lijwi omo njalivwaesela kwambulula, ngeci njambulule nakusimpa nakusholola cisin̄iko ca muzimbu wauvwa.

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.

Kolose 2:2

Njilinakulinga eci ngeci vashule nakulitakamesa, co valitunge amolika mu cizemo namukushula kwa vufuko vuje vunena kuzivisisa. Mu ngila eyi vene, vakazivuke cisin̄iko ca Njambi, cikeco cinapu Kilistu vavenya.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

1 Timateo 3:9

vanapande kukakateya vushunga nakusholoka kukulaela na citaku-taku cakutungukwa.

Kujombolola 10:7

Oloni omo uje kangelo wamucitanu na vavali akaimba lupembo lwendi, asinoni Njambi akasholola cisin̄iko ca vutumbe vwendi, ngwe muje mwambulwile kuli vangamba vendi vaka-kwimanena.”