1 Kolinte 14:16 - Livulu lya Shukulu Kalunga

¹⁶ Omo mukandelela kuli Njambi mu munzinzime lika, vati vanu vaje vali neni mu cikungulukilo vendeka ngwavo, “Ewa” ku lilombelo lyeni lyakukandelela? Vakevo kuvazivuka vika mulinakwendeka.

1 Kolinte 14:16 Iomraidhean Croise

1 Vimyene 1:36

Co Mbenaya wakumbulwile mwene ngwendi, “Mukemwo cikalingiwa, Shukulu Kalunga Njambi yove akakolese cuma eci!

1 Mizimbu 16:36

Shangazaleni Shukulu Kalunga, Njambi wa Isalele. Mushangazaleni ololo na ku myaka yoshe! Asinoni vanu voshe vendekele ngwavo, “Ewa.” Co valemesele Shukulu Kalunga.

Nehemiya 5:13

Asinoni njashulwile cizalo cinjalizengelele mu mbunda yange, njacitotomwene, co njendekele ngwange, “Omu mukemwo mwakatotomona Njambi vaje kuvakanyungu cikulaeso cavo.” Co njendekele lalo ngwange, “Njambi akaminyeka vinjuvo vyeni na vyuma vyoshe vije mulinavyo, co akamiseza mavoko-voko.” Voshe vaje vakele kuje vendekele ngwavo, “Ewa!” Vashangazalele Shukulu Kalunga. Co vantwama vanyungile cikulaeso cavo.

Nehemiya 8:6

Co Ezela wendekele ngwendi, “Shangazaleni Shukulu Kalunga, Njambi wakama!” Co vanu voshe vajundwile mavoko avo mwilu vakumbulwile ngwavo, “Ewa! Ewa!” Co vatsikamene nakulemesa, na vihanga vyavo asi.

Myaso 106:48

Shangazaleni Shukulu Kalunga Njambi wa Isalele ku myaka yoshe, vanu voshe vendeke ngwavo, “Ewa!” Shangazaleni Shukulu Kalunga!

Myaso 41:13

Wakushangazala Shukulu Kalunga Njambi ya Isalele, mushangazaleni lelo na ku myaka yoshe! Ewa! Ewa!

Myaso 72:19

Shangazaleni lizina lyendi lya vumpau ku myaka yoshe! Kaye koshe kashule na vumpau vwendi! Ewa! Ewa!

Myaso 89:52

Shangazaleni Shukulu Kalunga ku myaka yoshe! Ewa! Ewa!

Njelemiya 11:5

Asinoni njikanyunga cikumiiyo cije njalikumiiye na vakukulwila veni, ngeci njikavana lifuti lyalivwa nevi vyakujenekamo vyai, muje mumuli nakukala ololo.” Co njakumbulwile ngwange, “Ewa Shukulu Kalunga.”

Njelemiya 28:6

“Ewa! Shukulu Kalunga alinge ngoco! Shukulu Kalunga ashulise majwi ove a vuka-kwimanena, akwilwisa vufuko vwoshe vwa mu Njuvo ya Shukulu Kalunga, vuje vwaile ku Mbambilone, nakwiluka lalo kwa vanu voshe vaje vavatwalele mu vunzinda.

Kulava 5:22

Mema awa a cisingo alinakukovela mwimo lyove akupwise muka-kujombwesa limbo nameme kukushoka shivu.’ ” Co uje munakazi akakumbulule ngwendi, “Njatava, Shukulu Kalunga alinge ngacije.”

Mateo 15:36

Asinoni watambwile ije mikasha ya makende itanu na ivali amo na vaje visi, co wakandelelele kuli Njambi, wavipazwile, waanene kuli vandongisi vendi, co vandongisi vapangezelele vanu.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Mako 16:20

Vandongisi vaile nakwambulula kwoshe, co Mwene wapangele amo navo nakushulisa ngeci kwambulula kwavo kwapwile kwa vushunga a vizivukiso vije vyalingiwile.] [ 9 Vanakazi vaile kuli Petulu na vasamba vendi, co vavalekele vukaleo vwa vyuma vyoshe vije vavalekele. 10 Munima yevi, Yesu ikeye vavenya watumine vandongisi vendi kutunda mu ngangela kutwala mu kangombe ka yambi ngeci vatwale lijwi lyakujela lyakwovoka kwa myaka yoshe.]

Yowano 21:25

Oloni kuvili vyuma vyeka vyavingi vije vyalingile Yesu. Nga vavisonekele vyoshe cimo na cimo, njiyongola ngwange nga kaye koshe kuvasele kuwana mwela wakutulikila mavulu oshe aje vanasoneka.

Yowano 7:15

Vantwama va vaYunda valikomokelele manene, co vendekele ngwavo, “Munu ou nazivuka vati vyuma vyavingi omwo ikeye kalilongesele sikola?”

Vilinga vya Miluwa 4:13

Vaka-Munga vakomokele omo vamwene kusimpa kwa Petulu na Yowano nomu vavamwene ngeci vapwile vanu vangoco vakujeneka kulilongesa. Co vavanongonwene ngeci vakevo vakele amo na Yesu.

1 Kolinte 11:24

wakandelelele kuli Njambi, walipazwile, co wendekele ngwendi, “Ou ukewo muvila wange uvanamyana. Lingeni eci mukunjanuka.”

1 Kolinte 14:14

Omwo nga njilombela mu cifwa eci, munzinzime wange alombela, oloni mana ange kuwasa kukwasa mu cuma eci.

1 Kolinte 14:2

Omwo vaje vendeka mu vindaka vyeka kuvesi nakwendeka kuli vakwavo oloni kuli Njambi, omwo naumo wai avaziva. Vendeka vyuma vyakushweka na nzili ya Munzinzime.

1 Kolinte 16:24

Cizemo cange muli Yesu Kilistu cikale neni voshe.

2 Kolinte 1:20

omwo wapwa “Eyo” ku vikulaeso vyoshe vya Njambi. Omwo a cuma eci muli Yesu Kilistu “Ewa” yetu tukaitumbula mukwana vumpau kuli Njambi.

Kujombolola 22:20

Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!” Mukemwo vene cipwemo. Ija, Mwene Yesu!

Kujombolola 5:14

Co vaje vikashama vawana vakuyoya vakumbulwile ngwavo, “Ewa!” Co vaje vakulunu valyumbilile asi nakulemesa.

Kujombolola 7:12

vendekele ngwavo, “Ewa! Kushangazala na vumpau na mana nakukandelela na kasingimiko na nzili na vukama vyapwa vya Njambi yetu ku myaka yoshe! Ewa!”