1 Kolinte 14:12 - Livulu lya Shukulu Kalunga

¹² Ngecivene, omo muli na cizango cakushakezeka mavwana a Munzinzime, akamwa ya vyuma vyoshe munapande kweseka manene kupangesa mavwana aje akwasa kutunga cikungulukilo.

1 Kolinte 14:12 Iomraidhean Croise

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

1 Kolinte 12:31

Ngecivene, akeni vimbunge vyeni ku mavwana a seo yakama. Co njikamimwesa ngila yakuhyana manene.

1 Kolinte 12:7

Kuli umo naumo vanamwana vwana vwa Munzinzime mukukwasa vakwavo mu vyoshe.

1 Kolinte 14:1

Ngecivene, munapande kushakezeka cizemo. Akeni vimbunge vyeni ku mavwana a munzinzime, manene a vwana vwakwambulula lijwi lya Njambi.

1 Kolinte 14:13

Ngecivene, munu uje endeka mu ndaka yeka, napande kulombela vwana vwakunungulula vika vije vyendeka.

1 Kolinte 14:26

Evi vikevyo njendeka, vavusamba vange. Omo mukunguluka amo nakulemesa, munu umo ali na mwaso, weka ali na cilongesa, weka asholola vya Njambi, weka ali na lijwi mu vindaka vyeka, co weka lalo anungulule vije vanendeka. Vyuma vyoshe vinapande kukwasa cikungulukilo.

1 Kolinte 14:5

Njishaka ngeci yeni voshe mwendeke mu vindaka vyeka, oloni njishaka nga mwakele na vwana vwakwambulula lijwi lya Njambi. Omwo munu uje ambulula lijwi lya Njambi ali na seo yakama manene kutuvakana uje endeka mu vindaka vyeka, kuvanga kukale uje asa kunungulula vije alinakwendeka, ngeci vikwase cikungulukilo coshe.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.