1 Kolinte 13:8 - Livulu lya Shukulu Kalunga

⁸ Cizemo capwa ca myaka yoshe. Kuli vuka-kwimanena, oloni vwa kasimbu lika, kuli mavwana akwendeka vindaka vyaviha, oloni nao akahwa, kuli mana, oloni akahwa.

1 Kolinte 13:8 Iomraidhean Croise

Njelemiya 49:7

Evi vikevyo vyendekele Shukulu Kalunga Muka-nzili yoshe ali Endome ngwendi, “Kuma vaka-Endome vanazimbalesa kusompa kwavo kwakuvwa ndi? Kuma vaka-kuvanangula vavo kuvasa kuvaleka vije vivanapande kulinga ndi? Kuma mana avo oshe anahu ndi?

Luka 22:32

Oloni yange njinakulombelela Simoni, ngeci kukulaela kwove kesi kuhwe. Co omo ukatenguluka nakwiluka kuli yange, unapande kukatakamesa vakweni.”

Vilinga vya Miluwa 13:1

Mu cikungulukilo ca ku Antyoke kwakele vamo vaka-kwimanena na valongisi, Mbanambase na Simyoni (uje vatumbwile ngwavo Wakuzivala), na Lusiyasi (uje watundile ku Silene) na Manaene, (uje uvalelelele amo na Nguvulu Helonde), na Saulu.

Vilinga vya Miluwa 19:6

Paulu wakambekele mavoko endi ali vakevo, co Munzinzime Wakujela wezile ali vakevo, vendekele mu vindaka vyeka, co lalo vambulwile muzimbu wa Njambi.

Vilinga vya Miluwa 2:4

Co voshe vashulile na Munzinzime Wakujela, co vashangumukile kwendeka mu vindaka vyeka ngwe omo Munzinzime wavasesele ngeci vendeke.

1 Kolinte 12:10

Munzinzime aana munu umo nzili yakulinga vizivukiso, kuli weka vwana vwakwambulula lijwi lya Njambi, co kuli weka lalo nzili yakulumbununa kutepesa akati ka mavwana aje atunda kuli Munzinzime na aje kuwatundile kuli ikeye. Kuli munu umo amwana nzili yakwendeka vindaka vyaviha, kuli weka lalo amwana nzili yakulumbununa vindaka vyaviha vije vendeka.

1 Kolinte 13:10

oloni omo vije vyakulumbunuka vikaija, asinoni vije vya kasimbu lika vikahwa.

1 Kolinte 13:13

Ngecivene, ololo, vyuma evi vitatu vinasala, kukulaela, cinyangavili na cizemo, co cinatuvakana ku vyuma vyoshe evi cinapu cizemo.

1 Kolinte 14:39

Ngecivene, vavusamba vange, akeni vimbunge vyeni akwambulula lijwi lya Njambi, oloni kesi muvindike vaje vendeka mu vindaka vyeka.

1 Kolinte 8:2

Vaje vayongola ngwavo vazivuka cuma cimo, oloni kuvacizivuka ngwe muvanapande kucizivukilamo.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

VaHevelu 8:13

Akwendeka a cikumiiyo caciha, Njambi napwisa cije cakulivanga kupwa calaja, co cuma coshe calaja cikuluvala, co vwasi-vwasi cizimangana.