1 Kolinte 13:7 - Livulu lya Shukulu Kalunga

⁷ Cizemo kucesi kwonwa, co kukulaela kwaco, kukengelela na lukakateya kuvyesi kwonwa embwe.

1 Kolinte 13:7 Iomraidhean Croise

Kushangumuka 29:20

Yakomba wapangelele Lambani myaka itanu na ivali ngeci ambate Lakele, oloni simbu ije yasholokele ngwe matangwa amandondo lika kuli ikeye, omwo Yakomba wazemene Lakele manene.

Yombi 13:15

Cinyangavili cange coshe cinahu, ngecivene, nga Njambi anjitsiya, co kuli mulonga ndi? Yange njilinakwambulula mulonga wange kuli ikeye.

Myaso 119:66

Njilongese mana nakuzivisisa omwo njakulaela mu mashiko ove.

Visimo 10:12

Cizindo cikashangumuna vimata, oloni cizemo cifwika milonga yoshe.

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mako 9:23

Co Yesu wamulekele ngwendi, “Eyo, nga yove vavenya wasa! Vyuma vyoshe vyasa kulingiwa kuli uje akulaela.”

Loma 15:1

Yetu tunakolo mukukulaela tunapande kukwasa vaje kanda vakole mukukulaela kwavo ngeci vambate vitele vyavo. Kutwapandele kulivwaelelesa yetu vavenya embwe.

Loma 8:24

Omwo tunovoka a cinyangavili, oloni cinyangavili cakumona, cikeco kesi cinyangavili. Omwo iyajo ali na cinyangavili ca vije vyanamono?

1 Kolinte 13:4

Cizemo cili na lukakateya na kutetela, cizemo kucesi na lifuwa nambe kulyalesa,

1 Kolinte 9:12

Nga veka vali na moko yakutambula eci kuli yeni, kuma yetu kutwesi na moko yakutuvakana ndi? Oloni kutwapangesele moko yetu. Oloni tunalitakamesa mu vyuma vyoshe kutewa twaka citanukiso mu ngila ya vipangi vya Vin̄anda Vyavivwa vya ali Kilistu.

Ngalatiya 6:2

Likwaseni kulyambatela vitele umo na mukwavo, co mu ngila eyi mukononoka lishiko lya Kilistu.

Kwituluka mu Mashiko 1:9

Mosesa wendekele kuli vanu va Isalele ngwendi, “A simbu ije twakele ku Munkinda wa Sinai, njamilekele ngwange, ‘Cipangi cakumitwamenena cinapu cakama manene kuli yange. Kunjasa kucilinga ange lika embwe.

Kwituluka mu Mashiko 22:27

Omwo uje munalume wawanene uje mumbanda wakwendekeya mu shwata, co nameme uje mumbanda watambekele ngeci vakumukwase, oloni naumo wai wakeleko nakumukwasa.

2 Tesalonika 1:4

Omu mukemwo tulinakulyalesela ali yeni mu vikungulukilo vya Njambi. Tulinakulyalesela a lukakateya lweni nakukulaela kweni mu mapakeso oshe awa na n̄avava ije mulinakumona.

2 Timateo 2:24

Ngwe ngamba ya Mwene, kuwapandele kupwa muka-vimata. Unapande kupwa muka-ngozi kuli voshe, mulongisi wamuvwa wa lukakateya,

2 Timateo 3:11

na mapakeso ange na tuyando twange. Wavizivuka vyuma vyoshe vije vyalingiwile kuli yange mu Antyoke na mu Ikoniyame na mu Lisitala, mapakeso akukomokesa aje anjatambwile! Oloni Mwene wanjovwele ku vyoshe evi.

2 Timateo 4:5

Oloni yove unapande kulinyunga mu vyuma vyoshe, kakakateya mu tuyando, linga vipangi vya muka-kwambulula Vin̄anda Vyavivwa, co panga vipangi vyove ngwe ngamba ya Njambi.

VaHevelu 13:13

Ngecivene, ijeni tuye kuli ikeye anja ya cilombo ngeci tukazivile shwamwa yendi amo.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 4:8

Akamwa ya vyoshe evi, lizemeni umo na mukwavo na nzili, omwo cizemo cikafwiki vivi vyavingi.