1 Kolinte 13:5 - Livulu lya Shukulu Kalunga

⁵ cizemo kucesi kulilwisa, cizemo kucesi kulitondela vyaco cikeco vavenya, nambe kucesi kuluvala, cizemo kucesi kukala na likiti-kiti a vyuma vyavivi,

1 Kolinte 13:5 Iomraidhean Croise

2 Samwele 10:3

vantwama va vaAmoni vendekele kuli mwene ngwavo, “Kuma wayongola ngwove cinapu kasingimiko kuli isho omo Ndaviti natumu vanu vendi kuli yove nakukulilisa ndi? Kesi ngoco embwe! Navatumu kuno nakunenga nakwilula nganda, ngeci akatufungulule!”

Yombi 21:27

“Kengeni, njazivuka viyongola vyeni, na matumbe amavi amushaka kunjilinga.

Visimo 14:17

Vanu vaka-kuluvala, vakalingi vyuma vya vulema, oloni vaka-mana vakakala mu kwoloka.

Isaya 3:5

Co vanu vakakala na muuka ku umo na mukwavo. Vakwenje kuvakasingimika vakulunu vavo, co vikolokomba kuvakasingimika vantwama vavo embwe.

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Kulava 12:3

Mosesa wapwile munu wa kulikeesa kutuvakana vanu voshe ano asi.

Kulava 16:15

Co Mosesa waluvalele manene ngeci wendekele kuli Shukulu Kalunga ngwendi, “Shukulu Kalunga kesi utambule n̄ombelo yavo. Nacimo cai yange njaviisile kuli vakevo, kunjambatele nambe cimulu cavo umo.”

Kulava 32:6

Oloni Mosesa wavakumbulwile ngwendi, “Kuma yeni mwashaka kusala muno, oku vavushoko vweni vaIsalele valinakuya ku nzita ndi?

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Mateo 9:4

Oloni Yesu wazivukile viyongola vyavo, co wavehwile ngwendi, “Vikajo mulinakuyongwela vyuma vyavivi mu vimbunge vyeni?

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Luka 7:39

Omo uje kaFaliseo wamwene evi, wendekele mu mbunge yendi ngwendi, “Nga ou munalume mwa vushunga napu muka-kwimanena, nga nazivuka ou munakazi alinakumukwata mavoko, nga nazivuka kuyoya kwendi kwakuvi kuje alinakuyoya!”

1 Kolinte 10:24

Naumo wai napande kulishakezekela vuvwa vwendi ikeye vavenya, oloni napande kuyongola vuvwa vwa vakwavo.

1 Kolinte 10:33

Pangeni ngwe muje munjikapanga, njikeseka kuvwaelelesa voshe mu vyoshe vije njikalingi, kunjesi kuyongola vuvwa vwange vavenya, oloni vuvwa vwa voshe, ngeci vakovoke.

1 Kolinte 11:18

Omwo akulivanga, vananjileka ngwavo mu vikungulukilo vyeni muli vimunga vyakulitepa-tepa, co njakulaela eci cinapu ca vushunga vene.

1 Kolinte 12:25

Co kukwesi kutepesa mu muvila, oloni cilyo cimo na cimo cili na cishota-mbunge ku cilyo cikwavo.

1 Kolinte 7:36

Nga munu nayongola ngwendi kesi nakulinga mwamuvwa kuli mumbanda uje yashaka kwambata, nga mashungu endi anapu akama, co ashaka kumwambata, napande kulingamo, kucapwile vuvi.

2 Kolinte 5:19

Majwi etu akewo apwa ngeci Njambi waambesele vanu voshe ali Kilistu. Njambi kasa kuvalavela lalo vuvi vwavo, co ikeye natwana majwi aje atuleka vati navambesela.

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Filipu 2:21

Munu na munu alinakulimwena vyendi vavenya, kesi a vin̄anda vya Yesu Kilistu.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

2 Tesalonika 3:7

Yeni vavenya mwazivuka mwamuvwa ngweni munapande kupanga ngwe muje mutwapangele yetu. Kutwakele na vulwa omo twakele amo neni.

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.

2 Timateo 4:16

Akulivanga naumo wai wanjikundamene akulyamena kwange, voshe vanjitewele. Oloni Njambi kesi avalaveleco ngwe vuvi embwe!

Yakomba 1:19

Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.