1 Kolinte 13:13 - Livulu lya Shukulu Kalunga

¹³ Ngecivene, ololo, vyuma evi vitatu vinasala, kukulaela, cinyangavili na cizemo, co cinatuvakana ku vyuma vyoshe evi cinapu cizemo.

1 Kolinte 13:13 Iomraidhean Croise

Myaso 146:5

Navezika munu uje ali na Njambi ya Yakomba ngeci amukwase, munu uje cinyangavili cendi cili muli Shukulu Kalunga Njambi yendi,

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 43:5

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Luka 10:27

Co uje munalume wakumbulwile ngwendi, “Zema Shukulu Kalunga Njambi yove na mbunge yove yoshe, na mwonyo wove woshe, na nzili yove yoshe, na mana ove oshe, co zema mukweni ngwe muwalizema yove vavenya.”

Luka 22:32

Oloni yange njinakulombelela Simoni, ngeci kukulaela kwove kesi kuhwe. Co omo ukatenguluka nakwiluka kuli yange, unapande kukatakamesa vakweni.”

Loma 15:13

Co Njambi, nsina ya cinyangavili, amishulise nakuvwaelela kwoshe na kwoloka omwo akukulaela kweni, ngeci cinyangavili ceni cikole mu nzili ya Munzinzime Wakujela.

1 Kolinte 14:1

Ngecivene, munapande kushakezeka cizemo. Akeni vimbunge vyeni ku mavwana a munzinzime, manene a vwana vwakwambulula lijwi lya Njambi.

1 Kolinte 16:14

Lingeni vipangi vyeni vyoshe mu cizemo.

1 Kolinte 3:14

Nga vipangi vije vyanatungila munu a luvula vikasholoka mwamuvwa ku tuhya, co muka-kutunga akatambula cikandelela.

1 Kolinte 8:1

Ololo, a vyuma vyakukombelela ku tumponya vije vimwasonekele. Mwa vushunga, twazivuka ngeci, “tuvavoshe tuli na mana.”. Mana akalingisa munu ngeci alyalese, oloni cizemo citungisa.

1 Kolinte 8:3

Oloni nga munu azema Njambi nendi vanamuzivuka kuli Njambi.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

2 Kolinte 5:15

Co watsililile vanu voshe, ngecivene, vaje valinakuyoya kuvapandele kuliyoyela vakevo vavenya embwe, oloni vanapande kuyoyela kuli uje wavatsililile, co vamusangwile omwo yetu.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Filipu 1:9

Njilombela ngwange cizemo ceni citwaleo mukukola manene, amo na mana a vushunga amo nakwangula kwa vushunga,

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 1:5

Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

Kolose 3:14

Co ku vyoshe evi wezeleleniko cizemo, cije cikakutila vyuma vyoshe amolika mu vumo vwavuvwa.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Tesalonika 5:8

Oloni yetu twakundama ku mutanya, co tunapande kulikongomeka. Tunapande kuzala kukulaela na cizemo ngwe ntelo ya a nulo, nakuzala cinyangavili cakwovoka kwetu ngwe tepa.

1 Timateo 1:5

Vutumbe vwa lishiko eli vutunda ku cizemo cakutuuka mu mbunge yakujela, na mu citaku-taku cakutungukwa,nakukukulaela kwa vushunga.

2 Timateo 1:7

Omwo Njambi katwanene munzinzime wa lyova, oloni Munzinzime wendi natushulisa na nzili na cizemo nakulinyunga.

VaHevelu 10:35

Ngecivene, kesi mumbile kuti kusimpa kweni kuje kuli na cikandelela cakama manene.

VaHevelu 10:39

Yetu kesi tu vanu vaka-kwiluka munima nambe vaka-kuzimbala embwe. Oloni tunapu tu vaka-kukulaela nakwovoka.

VaHevelu 6:11

Sholovya yetu inapu yakama ngeci munu na munu akati keni acitwaleo na lukakateya noo na ashongo, ngeci vyuma vyoshe vimulinavyo na cinyangavili vikapwe vya vushunga.

VaHevelu 6:19

Tuli na cinyangavili cije ngwe n̄ovo ya cikongo ca mbunge, ikeyo yakukola, yaivwa, ikeyo ipulyasana nanga ije ya mu Njuvo ya Shukulu Kalunga ya mwilu nakukovela ku mulili wakujela,

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Yowano 2:10

Nga tuzema vakwetu, tulinakuyoya mu ceke, ngecivene, muli yetu kumwesi cuma nacimo cai cakutanukisa munu weka ngeci alinge vuvi.

1 Yowano 2:14

Njilinakumisonekela yeni vana vange vavandondo, omwo munazivuka Tate. Njilinakumisonekela yeni vatate, omwo munamuzivuka uje wakeleko tunde ku san̄ulu. Njilinakumisonekela yeni vakwenje, omwo muli na nzili, lijwi lya Njambi lili muli yeni, co munamuhyana Uje Liyavola.

1 Yowano 2:24

Ngecivene, nyanyameni, nyungeni mu vimbunge vyeni lijwi lije mwazivile tunde ku san̄ulu. Nga munyunga lijwi lije, asinoni simbu yoshe mukayoya amo na Mwana na Ishe.

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.

1 Yowano 3:9

Naumo wai wa vana va Njambi vavandondo atwalelelao kulinga vuvi, omwo cisemwa ca Njambi cili muli vakevo, co omwo Njambi napu Ishavo, kuvasa kutwalelelao kulinga vuvi.