1 Kolinte 13:12 - Livulu lya Shukulu Kalunga

¹² Evi tulinakumona ololo tuvimona a kalikengelo ngwe kavwivwi, oloni kulutwe tukamona mesho na mesho. Vije njazivuka ololo vinapu vyavindondo, oloni kulutwe vikapwa vyakushula mwa vushunga, vikapwa vyakushula ngwe muje mwananjizivukisilavyo Njambi.

1 Kolinte 13:12 Iomraidhean Croise

Kushangumuka 32:30

Yakomba wendekele ngwendi, “Njamono Njambi mesho na mesho, kuma njiciyoya!” Co walukile lizina lya uje mwela Penyele.

Yombi 19:26

Nameme cikonde cange cinaliwa na mushongo, kunjikamono Njambi mu muvila ou,

Yombi 36:26

Kutwasa kuzivuka vukama vwendi, nambe kulava vungi vwa myaka yendi.

Kutuuka 33:11

Co Shukulu Kalunga wakele nakwendeka na Mosesa mesho na mesho, ngwe munu alinakwendeka na musamba wendi. Asinoni Mosesa welukile ku cilombo. Oloni uje mukwenje mukwasi wendi Yoshwa muna Nune, ikeye kakele nakutundamo muje mu Mbalaka.

Ezekiyele 17:2

“Muna munu, leka vaIsalele cisimo eci,

Kulava 12:8

Co njikendeka nendi citona-mesho kesi mu tusau embwe, na ikeye namono laja cifwa cange! Omwo vikajo kumwesi na lyova akufweya ngamba yange Mosesa?”

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 5:8

“Vanavezika vaje vaka-kujela mu vimbunge, omwo vakamona Njambi!

Yowano 10:15

Ngwe amo Tate anjizivuka, co nange lalo njizivuka Tate, mu ngila imo vene njizivuka vimanga vange navo lalo vanjizivuka. Co njitula mwonyo wange omwo vimanga vange.

Loma 8:18

Yange njinayongola ngwange tuyando otu tulinakuyanda simbu ino kutwasa kutuseteka na vumpau vuje vukasholoka kuli yetu.

1 Kolinte 13:11

Omo njapwile nji mwanike, endekesi yange nakukala kwange na viyongola vyange vyoshe vyapwile vya vwanike, oloni omo njinakolo, kunjesi nakupangesa lalo vingila vya vwanike.

1 Kolinte 8:3

Oloni nga munu azema Njambi nendi vanamuzivuka kuli Njambi.

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

2 Kolinte 5:7

Omwo mwonyo wetu uli akukulaela lika, kesi wakumona na mesho embwe.

Filipu 3:12

Kunjendeka ngwange njinahyana laja mu cuma eci embwe, nambe ngwange njajele laja embwe. Oloni njilinakukakateya mukweseka kuwana cikandelela cije Kilistu Yesu nanjitambwilaco laja.

Yakomba 1:23

Omwo nga mutolilila ku lijwi oloni kumulipangesa munapu ngwe vanu vaje valikengela a kalikengelo, co valimona muje muvafwa vakevo vavenya.

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.

Kujombolola 22:4

Vakamona cihanga cendi, co lizina lyendi vakalisoneka a maholo avo.