1 Kolinte 12:9 - Livulu lya Shukulu Kalunga

⁹ Munzinzime umolika vene aana kukulaela kuli munu umo, co lalo kuli munu weka amwana nzili yakukangwisa.

1 Kolinte 12:9 Iomraidhean Croise

Mateo 10:8

Kangwiseni vaka-kuvinja, sanguleni vatsi, jeleseni vaka-mbumba, co nakutundisa minzinzime yakujwala. Yeni munavitambula vyangoco kujeneka kufweta, ngecivene, neni lalo aneni ngoco kujeneka kutambulao cimo.

Mateo 21:21

Co Yesu wavakumbulwile ngwendi, “Mwa vushunga njimileka ngwange, nga mukulaela nakujeneka vimata, mukasa kulinga evi vinjinalingi ku muti ou wa mukuyu. Co kesi evi lika embwe, oloni mukasa nameme kwendeka ku lilundu eli ngweni, ‘Katuka ulyumbile mu mema a kalunga,’ co likalyumbila vene.

Mako 16:18

Vakakwata manyoka, co nambe nga vakanwa vyuma vya vushungu, kuvikavavulumuna, vakakambeka mavoko avo ali vaka-kuvinja, co vakenduka.”

Mako 6:13

Co vatundisile minzinzime yakujwala yaingi, co vavwavesele mazi vaka-kuvinja vavangi nakuvakangwisa.

Luka 10:9

kangwiseni vaje vaka-kuvinja valimo, endekeni kuli vanu vaje valimo ngweni, ‘Vumwene vwa Njambi vunaija kuyehi neni.’

Luka 9:2

Co wavatumine kuya nakwambulula Vumwene vwa Njambi nakukangwisa vaka-kuvinja,

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 5:15

Ngecivene, a vije vivalingile miluwa, vaka-kuvinja vakele nakuvambata a malili naa manala nakuvatwala ku vitapalo ngeci munzinze wa Petulu wite akamwa ya vamo omo aita kuyehi.

1 Kolinte 12:28

Mu cikungulukilo, Njambi naaka vyoshe mu mwela umo, mu mwela wakulivanga miluwa, mu mwela wamucivali vaka-kwimanena, co mu mwela wamucitatu valongisi, asinoni vaje vaka-kulinga vizivukiso, kwatako vaje vavanaana nzili yakukangwisa nambe kukwasa vakwavo nambe kuvatwamenena nambe kwendeka vindaka vyaviha.

1 Kolinte 12:30

nambe kukangwisa mishongo nambe kwendeka vindaka vyaviha nambe kunungulula vije vanendeka.

1 Kolinte 13:2

Co nambe njili na vwana vwakwambulula nakuzivisisa vyuma vyakushweka, co nga njili nakukulaela kwoshe ngeci njase kushwenyesa minkinda, oloni nga kunjesi na cizemo njinapu wangoco.

2 Kolinte 4:13

Visoneka vyendeka ngwavyo, “Njendekele omwo njakulaelele.” Mu munzinzime wa cifwa cimolika lalo twendeka omwo tukulaela.

Efeso 2:8

Omwo a kutetela munovoka akukulaela. Eci kesi ngwe a vilinga vyeni embwe, oloni cinapu vwana vwa Njambi,

VaHevelu 11:33

Akukulaela vakevo valwisilile mafuti, co vahyanene. Valingile vya vushunga, co vatambwile vije vyavakulaesele Njambi. Vashokele tunwa twa vindumba,