1 Kolinte 12:27 - Livulu lya Shukulu Kalunga

²⁷ Yeni voshe munapu muvila wa Kilistu, co munu na munu napu cilyo ca muvila ou.

1 Kolinte 12:27 Iomraidhean Croise

Loma 12:5

Mu ngila eyi vene, nambe tunapu tuvavangi, tunapu muvila umolika muli Kilistu, co yetu voshe vanatunungila kuli umo na mukwavo ngwe kulyangunuka kwa vilyo vya muvila umolika.

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

1 Kolinte 10:17

Omwo kuli likende limolika, yetu voshe, nambe tunapu tuvavangi, tunapu muvila umolika, omwo tulinakulipazwila likende limolika.

1 Kolinte 12:12

Kilistu wapwa ngwe muvila umo, uje uli na vilyo vyavingi, oloni anga vene muvila umo, nameme vanaupanga mu vilyo vyavingi.

1 Kolinte 12:26

Nga cilyo cimo ca ku muvila cilinakuyanda, co vyoshe vilyo viyandela amo naco, nga cilyo cimo vacishangala, co vyoshe vilyo vivwaelela amo naco.

1 Kolinte 6:15

Mwazivuka ngweni mivila yeni inapu vilyo vya Kilistu. Kuma njasa kutundisa cilyo cimo ca muvila wa Kilistu nakucipwisa cilyo ca cikwizi ndi? Embwe kucitava!

Efeso 1:23

Cikungulukilo cinapu muvila wa Kilistu, ikeye kushula kwa uje ashulisa vyuma kwoshe-ikwoshe.

Efeso 4:12

Walingile eci mukuvwaesela vanu va Njambi vipangi vya vuka-Yesu, mukutunga muvila wa Kilistu.

Efeso 5:23

Omwo munalume ali na moko ali munakazi wendi ngwe Kilistu lalo ali na moko a cikungulukilo, co Kilistu vavenya ikeye Muyoyesi wa cikungulukilo, muvila wendi.

Efeso 5:30

omwo tunapu vilyo vya muvila wendi.)

Kolose 1:18

Ikeye napu mutwe wa muvila wendi, ukewo cikungulukilo, na nsina ya mwonyo wa muvila. Napu Mwana wa ntwatwa, uje wasangukile kutunda ku vatsi, ngeci ikeye lika napande kupwa wakulivanga mu vyuma vyoshe.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

Kolose 2:19

co vanalikela kukakateya kuli Kilistu, uje napu mutwe wa muvila. Ali Kilistu muvila woshe vanaulisa nakuukwatesa amolika omwo a manunga na mishisha, co ulinakukola ngwe muje Njambi ashaka ngeci ukolelemo.