1 Kolinte 12:13 - Livulu lya Shukulu Kalunga

¹³ Mu ngila eyi vene, yetu voshe, nambe vaYunda na vaje kesi vaYunda, nambe vindungo nambe vanu vakupatuka, Munzinzime umo natumbwitika mu muvila umolika, co yetu voshe vatunwisile Munzinzime umolika.

1 Kolinte 12:13 Iomraidhean Croise

Myaso ya Solomoni 5:1

Njinaija mu citungu cange, ndokazi yange, shombolwa yange. Njilinakukungulula miila na malimangango, njinali vuki vwange, na ngenga yange ya vuki, njinanu vinyu vyange na mavele ange. Vaka-cizemo, lyeni nakunwa noo munapwisamo na cizemo!

Isaya 55:1

Shukulu Kalunga alinakwendeka ngwendi, “Nga muli na lihwila, ijeni munwe mema! Nga kumwesi na vimbongo, ijeni mulye vije vimushaka! Ijeni mwakunwe vinyu na mavele, kujeneka kuvilanda na vimbongo!

Njwele 2:29

A matangwa aje, njiketila munzinzime wange nameme ali vangamba va vanalume, na ava va vanakazi.

Mateo 3:11

Njimimbwitika mu mema mukumwesa kutenguluka kwa vimbunge vyeni, oloni owo akaija munima yange akamimbwitika na Munzinzime Wakujela na mu tuhya. Ikeye wakama kutuvakana yange, nameme vin̄aku vyendi kunjivyasa kuvyambata.

Luka 3:16

Co Yowano wendekele kuli voshe ngwendi, “Njimimbwitika mu mema, oloni owo akaija napu wakama. Kunjapandele nameme kuzitula mikole ya a vin̄aku vyendi. Ikeye akamimbwitika na Munzinzime Wakujela na mu tuhya.

Yowano 1:16

Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

Yowano 1:33

Yange kunjamuzivukile ngwange ikeye, oloni Njambi, uje wanjitumine ngeci njimbwitike mu mema, ikeye wendekele kuli yange ngwendi, ‘Ukamona Munzinzime akashuluka nakukala ali munalume umo, ikeye akambwitika na Munzinzime Wakujela.’

Yowano 3:5

Yesu wamumbulwile ngwendi, “Mwa vushunga njikuleka ngwange, naumo wai asa kukovela mu Vumwene vwa Njambi kuvanga asemuke ku mema na ku Munzinzime Wakujela.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 6:63

Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Vilinga vya Miluwa 1:5

Yowano wambwitikile na mema, oloni a matangwa amandondo lika vakamimbwitika na Munzinzime Wakujela.”

Loma 3:22

Njambi alingisa vanu ngeci vapwe vaka-vushunga akukulaela kwavo kuli Yesu Kilistu. Njambi alinga eci kuli voshe vaje vakulaela kuli Kilistu, omwo kumwesi kaangu kai,

Loma 3:29

Nambe Njambi kuma wapwa Njambi wa vaYunda lika ndi? Kuma kapwile Njambi wa vaje kesi vaYunda lalo ndi? Mwa vushunga wapwa wa voshe.

Loma 4:11

Vamutuwile, co kutuuka kwendi kwapwile cimweso kumwesa ngeci omwo akukulaela kwendi Njambi wamulaveleleco kupwa muka-vushunga simbu kanda vacimutuule. Ngecivene, Avilahama napu ishe ya voshe vaka-kukulaela kuli Njambi, co Njambi navatambula kupwa vaka-vushunga, nambe kuvatuukile.

1 Kolinte 10:2

Mu lishelwa na mu lishali voshe vavambwitikile kupwa vandongisi va Mosesa.

Ngalatiya 3:23

Oloni omo simbu yakukulaela kanda icete, Mashiko atukutile tuvavoshe kupwa vinzinda noo kukulaela kwasholokele.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Efeso 3:6

Cisin̄iko cije cinapu eci, ngeci a lijwi lya muzimbu wauvwa vaje kesi vaYunda ololo vali na mutambela amo na vaYunda mu vivezikiso vya Njambi, vakevo vanapu vilyo vya muvila umo nakulipangela mu cikulaeso ca Njambi cije calingile ali Kilistu Yesu.

Efeso 4:5

Kuli Mwene umo, kukulaela kumo, kumbwitika kumo,

Efeso 5:26

Walingile eci mukukundika cikungulukilo kuli Njambi na lijwi lyendi, anima yakucijelesa akucijwelesa mu mema,

Efeso 6:8

Anukeni ngeci Mwene akafweta munu na munu, nambe ndungo nambe wakupatuka, kupwisa ku vipangi vyendi vyalinakulinga.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,