1 Kolinte 11:32 - Livulu lya Shukulu Kalunga

³² Oloni Mwene alinakutuhisa nakutunyanyamesa, ngeci kesi vakatuhise amo na vaka-kaye.

1 Kolinte 11:32 Iomraidhean Croise

2 Samwele 7:14

Co yange njikapwa nji ishe, na ikeye lalo akapwa munange. Omo akalinga mwamuvi, co njikamunyanyamesa ngwe ishe ya munu mwakanyanyamesa munendi.

Myaso 118:18

Shukulu Kalunga wanjinyanyamesele manene, oloni kanjecelele ngeci njitse embwe.

Isaya 1:5

Omwo vikajo mulinakunjitengulukila? Mushaka ngeci njimihise lalo manene ndi? Isalele, ku mutwe wove kulilaja vimbandu, co mbunge yove na viyongola vyove vinazeye.

Njelemiya 7:28

Ukavaleke ngwove muyati wavo kuvesi nakunjononoka yange Kalunga, Njambi yavo, nambe kulilongesa omo njavanyanyamesele. Vushunga vunahu kuvesi nakuvusimutwiya lalo.

Zefaniya 3:2

Kuyatolililile kuli Shukulu Kalunga nambe kutava kunangula kwendi. Kuyakulaelele kuli Shukulu Kalunga nambe kulomba vukwasi vwendi.

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

Loma 5:16

Co kuli kutepesa akati ka vwana vwa Njambi na vuvi vwa munu umolika. Munima ya vuvi vumolika, kwezile kusompa kwa “Kuhisa”, oloni munima ya vivi vyavingi, kunaija vwana vwakujeneka kupangela vwa “Kusambesa!”

1 Kolinte 1:20

Ngecivene, muka-mana ali kuli? Nambe vaka-kulilongesa? Nambe muka-vimata wa mutongwe wa ano a kaye? Njambi namwesa ngeci mana a ano a kaye anapu a vulema!

1 Kolinte 1:21

Omwo Njambi mu mana endi nalingisa vanu ngeci kesi vamuzivuke mu mana avo. Oloni mu ngila eyi ya muzimbu vatumbula ngwavo wa “vulema” tulinakwambulula, Njambi wayongwele kwamena vaje vakulaela.

1 Kolinte 11:30

Omu mukemwo vavangi akati keni valinakuvinja nakuzeya, co vamo vanatsi.

1 Kolinte 11:31

Oloni nga tuliilula yetu vavenya akulivanga, co Njambi kakatuhisa.

1 Kolinte 11:33

Ngecivene, vasamba vange, omo munakunguluka amo ku Mesa ya Mwene, livandameneni umo na mukwavo.

Kwituluka mu Mashiko 8:5

Zivukeni mu vimbunge vyeni ngweni ngwe cisemi anyanyamesa vana vendi, mukemwo vene mwaminyanyamesa Shukulu Kalunga Njambi yeni.

1 Timateo 1:20

Akati kavo kuli Haimenease na Elekizanda, vaje njinanyanyamesa akuvakundika ku nzili ya Satana, eci cikavalongesa ngeci valikele kushaula Njambi.

1 Yowano 5:19

Twazivuka ngwetu tunakundama kuli Njambi nambe kaye koshe kali mu nzili ya Uje Liyavola.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.