1 Kolinte 11:26 - Livulu lya Shukulu Kalunga

²⁶ Omwo eci cilumbununa ngeci a simbu na simbu omo mulya eli likende nakunwa ku nganja eyi mwambulula kutsa kwa Mwene noo akaija.

1 Kolinte 11:26 Iomraidhean Croise

Yowano 14:3

Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Yowano 21:22

Yesu wamukumbulwile ngwendi, “Nga njishaka ngwange ayoye noo njikaija, eci cinapu vatijo kuli yove? Yove njikave lika!”

Yowano 21:23

Ngecivene, muzimbu washandokelele akati ka vaka-kukava Yesu ngeci ndongisi ou kakatsi embwe. Oloni Yesu kendekele ngwendi kakatsi, oloni wendekele ngwendi, “Nga njishaka ngwange ayoye noo njikaija, eci cinapu vatijo kuli yove?”

Vilinga vya Miluwa 1:11

co vendekele ngwavo, “Eni vanalume va ku Ngalileya, omwo vikajo munemanena kuno nakukenga mwilu? Yesu ou vene, ivanatwala mwilu kutunda kuli yeni, akeluka lalo mu cifwa cije vene munamumono ayanaco mwilu.”

1 Kolinte 15:23

Oloni munu na munu akasangukila na ngila yendi, Kilistu ikeye mushoke wakulivanga ku voshe, asinoni na vaje vanakundama kuli Kilistu, vakasanguka omo akaija.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

1 Tesalonika 4:16

Kukakala mutambi wa lijwi lyakama lyakushika, lijwi lya kangelo wakama, nakwoya kwa lupembo lwa Njambi, co Mwene ikeye vavenya akashuluka kutunda mwilu. Co vaje vatsile mukukulaela kuli Kilistu vakasangukila ku mwonyo akulivanga,

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

2 Petulu 3:10

Oloni Litangwa lya Mwene likaija ngwe mwizi. A Litangwa lije kaye kakanyongolokota na cililimo cakama, co vyuma vya mwilu vikenya njwa nakunyonga, co kaye na vyuma vyoshe viliho vikanyongolokota.

1 Yowano 2:28

Eyo, vana vange, kaleni muli ikeye, ngeci tukashule nakusimpa akajomboloka, kesi tukazive shwamwa ku mesho endi a Litangwa lije omo akaija.

Yunda 1:14

Inoke lalo uje wapwile wamucitanu na umo ku vatekulwila va Andama, uje ku san̄ulu wambulwile vuka-kwimanena ali vakevo, co wendekele ngwendi, “Kengeni, Mwene akaija na makulukazi a tungelo twendi,

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.

Kujombolola 22:20

Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!” Mukemwo vene cipwemo. Ija, Mwene Yesu!