1 Kolinte 11:24 - Livulu lya Shukulu Kalunga

²⁴ wakandelelele kuli Njambi, walipazwile, co wendekele ngwendi, “Ou ukewo muvila wange uvanamyana. Lingeni eci mukunjanuka.”

1 Kolinte 11:24 Iomraidhean Croise

Myaso 111:4

Shukulu Kalunga nanukisa vanu vilinga vyendi vyakukomokesa, Shukulu Kalunga wapwa muka-ngozi na mema ku mbunge.

Myaso 22:26

Tuutu vakalya nakukuta, voshe vaje vaija kuli Shukulu Kalunga vakamushangazala, vapwe vakuvezika ku myaka yoshe.

Myaso 22:29

Vaka-kulyalesa voshe vakalya nakumulemesa, na voshe vaje vashelumukila mu vukalo vwa vatsi vakamulemesa, co na woshe uje kasa kwamena mwonyo wendi ku kutsa akamulemesa.

Kutuuka 12:14

Munapande kulisamba a litangwa eli omwo likapwa lya ciwano ca Kalunga mukumyanukisa a vyuma evi vinjalingile yange Kalunga. Eci cikapwa canukiso mu visemwa vyeni vyoshe vya kulutwe.”

Kutuuka 28:12

Co tuje tumamanya tuli mu tukwatelo twake a tumiva twa a vitsili vya kangamuna, twimanene miyati likumi na ivali ya vaIsalele. Co mu ngila eyi, Alone akambata mazina avo a vitsili vyendi, co yange Kalunga njikanuka vanu vange simbu yoshe.

Visimo 9:5

“Ijeni mulye ku vyakulya vyange nakunwa ku vinyu vinjinatsingasana.

Myaso ya Solomoni 1:4

Njiye amo nove, tushatuke lumbisi, pwa mwene yange, co njikovelese mu milili yove. Tuvwaelela nakujolela muli yove, tukashangazala cizemo cove kutuvakana vinyu. Kucikomokesa omwo vambanda voshe vakuzema.

Myaso ya Solomoni 5:1

Njinaija mu citungu cange, ndokazi yange, shombolwa yange. Njilinakukungulula miila na malimangango, njinali vuki vwange, na ngenga yange ya vuki, njinanu vinyu vyange na mavele ange. Vaka-cizemo, lyeni nakunwa noo munapwisamo na cizemo!

Isaya 25:6

Aa vene a Munkinda wa Siyone, Shukulu Kalunga Muka-nzili yoshe akavwaeselao miyati yoshe ya mu kaye ciwano ca vyakulya vyavivwa na vinyu vyavivwa.

Isaya 26:8

Tulinakukavangeya cizango cove nakwaka cinyangavili cetu muli yove, yove lika itushungwiya.

Mateo 26:13

Mwa vushunga njimileka ngwange, kwoshe-ikwoshe kuvakambulwila evi vin̄anda vyavivwa mu kaye koshe neci lalo canalingi ou munakazi, vakacambulula nakumwanukilao.”

1 Kolinte 11:23

Omwo njatambwile kuli Mwene cilongesa cije cinjamyanene cikeco eci, Mwene Yesu, a vutsiki vuje vene vamwendele vungungu, wanonele likende,

1 Kolinte 11:25

Mu ngila eyi vene, omo vanamanesa kulya, wanonele nganja, co wendekele ngwendi, “Nganja eyi inapu lizivasano lyaliha lya Njambi, mu maninga ange. Omo mukanwako, lingeni visimbu vyoshe mukunjanuka.”

Yoshwa 4:7

Co mukavaleka ngweni, ‘Mema a mu Yondau alikelele kwita omo Cikasa ca Cikumiiyo ca Shukulu Kalunga cajavukile Ndonga ya Yondau. Co mamanya awa anapu canukiso ca ku myaka yoshe ca vanu va Isalele a vyuma vije vyalingiwile kuno.’ ”