1 Kolinte 11:23 - Livulu lya Shukulu Kalunga

²³ Omwo njatambwile kuli Mwene cilongesa cije cinjamyanene cikeco eci, Mwene Yesu, a vutsiki vuje vene vamwendele vungungu, wanonele likende,

1 Kolinte 11:23 Iomraidhean Croise

Mateo 26:17

A litangwa lyakulivanga lya Ciwano ca Makende Akujeneka Musima, vandongisi va Yesu vezile kuli ikeye vamwihwile ngwavo, “Kulijo ushaka ngeci tukakuvwaeseleko kulya kwa Ciwano ca Pasovala?”

Mateo 26:2

“Mwazivuka ngeci omo kwita matangwa avali lika, kukakala Ciwano ca Pasovala, co Muna Munu vakamwana ngeci vamushukike a cilindakano.”

Mateo 26:34

Yesu wakumbulwile Petulu ngwendi, “Mwa vushunga njikuleka ngwange, vutsiki vuno vene simbu ndemba kanda atambeke, ukanjivyana visimbu vitatu ngwove kuunjizivuka.”

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Luka 22:17

Co Yesu wanonele nganja ya vinyu, wakandelelele kuli Njambi, co wendekele ngwendi, “Tambuleni nganja eyi mulishumwine akati keni,

Vilinga vya Miluwa 20:7

A litangwa lya Sapalalo cingwezi twalikungulwile amo nakulya. Paulu wendekele kuli vanu, co watwaleleo manene kwendeka noo mukati ka vutsiki, omwo wayongwele kuya alikaki.

1 Kolinte 10:16

Nganja ije tukapangesa ku Mesa ya Mwene, ije itukakandelela kuli Njambi, omo tuyinwa tulinakulipangela maninga a Kilistu. Na likende lije tukapazula, omo tulilya, tulinakulipangela muvila wa Kilistu.

1 Kolinte 15:3

Njamyanene vije vinjatambwile, vije vinapu vya seo yakama manene, Kilistu watsililile vivi vyetu, ngwe muvanasoneka mu Visoneka

Ngalatiya 1:1

Mukanda wakutunda kuli Paulu, muluwa kesi wakusana ku cizango ca vanu nambe kwitilila muli munu umo, oloni ali Yesu Kilistu na Njambi Tate, uje wamusangwile ku vatsi.

Kwituluka mu Mashiko 4:5

“Njinamilongesa mashiko oshe, ngwe muje mwanjishikile Shukulu Kalunga Njambi yange ngeci mukawononoke mu lifuti lije limukakovela nakulishwana.

Kolose 3:24

Anukeni ngweni Mwene akamyana vushwana kupwa cikandelela ca vije vyanatulikila vanu vendi. Omwo Kilistu ikeye vene Shukulu wa vushunga uje imulinakupangela.

1 Tesalonika 4:2

Omwo mwazivuka vilongesa vitwamilongesele na moko ya Mwene Yesu.