1 Kolinte 11:2 - Livulu lya Shukulu Kalunga

² Njimishangazala omwo simbu yoshe mukanjanuka nakukava vilongesa vinjamilongesele.

1 Kolinte 11:2 Iomraidhean Croise

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

1 Kolinte 11:17

Oloni a vilongesa vimo kunjimishangazala, omwo akulikungulula kweni mukulemesa mukalingi mwamuvi kesi mukalingi mwamuvwa.

1 Kolinte 11:22

Kuma kumwesi na vinjuvo vyeni ngeci mukalilemo nakunwilamo ndi? Nambe kuma mulinakushaula cikungulukilo ca Njambi nakuzivisa shwamwa vanu vaje vanajeneka ndi? Vikajo mushaka yange njendeke kuli yeni a cuma eci? Njimishangale ndi? Mwa vushunga vene kunjimishangala embwe!

1 Kolinte 15:2

Uje ukewo muzimbu, lijwi lije njambulwile kuli yeni. Munovoka a muzimbu nga mukakateyao mbe, kuvanga amo eci munakulaela cinapu cangoco.

1 Kolinte 4:17

Omwo a cuma eci njilinakutuma Timateo kuli yeni, uje napu munange wa kulongwa injazema muli mwene. Ikeye akumyanukisa vilongesa vije njilinakukava mu mwonyo wauha muli Kilistu Yesu, vije vinjikalongesa mu vikungulukilo mwoshe kwoshe-ikwoshe.

1 Kolinte 7:17

Ngwe omo Mwene naana vwana ku munu na munu mukemwo mwanavasanena ngeci vendelemo. Eli likelyo lishiko linjikalongesa mu vikungulukilo vyoshe.

1 Tesalonika 1:6

Mwatembunwinine yetu na Mwene, co nambe mwamwene tuyando twakama, oloni mwatambwile lijwi nakujolela kuje kukatundu kuli Munzinzime Wakujela.

1 Tesalonika 3:6

Oloni ololo Timateo neluka kuno, co natwambulwila muzimbu wauvwa akukulaela kweni na cizemo ceni. Natuleka ngwendi simbu yoshe mulinakutwanuka, co mulinakushaka kutumona ngwe yetu tulinakushaka kumimona.

2 Tesalonika 2:15

Ngecivene, vakwetu, imaneni mbe nakukakateya ku vushunga vuje vutwamilongesele, mukwambulula kwetu na mu mukanda wetu.

2 Tesalonika 3:6

Mu lizina lya Mwene Yesu Kilistu tulinakumishika, vakwetu, ngwetu, litengeni kuli voshe vanu vaje valinakuyoya ayoyesi ya vulwa, vaje kuvesi nakukavangeya vilongesa vitwamilongesele.