1 Kolinte 10:7 - Livulu lya Shukulu Kalunga

⁷ kesi tulemese tumponya, ngwe muvalingile vamo vavo. Ngwe muvyendeka visoneka ngwavyo, “Vanu vatumbamene ku ciwano cije, oloni vacipwisile ciwano ca kupenda nakulinga vupangala.”

1 Kolinte 10:7 Iomraidhean Croise

Kutuuka 32:17

Omo Yoshwa wazivile muyoyo wa vanu valinakujokota, co wendekele kuli Mosesa ngwendi, “Njilinakuziva muyoyo wa nzita mu cilombo.”

Kutuuka 32:19

Omo Mosesa washwenyele kuyehi na cilombo wamwene muna ngombe wa nkomba, co lalo wamwene vanu valinakukina, co waluvalele manene-nene. Ngeci wombilile asi vije vitale wambatele mu mavoko endi, kwisi ya munkinda, co vyatavozokele.

Kutuuka 32:4

Alone wanonele vimbilingwa, wavinyongolwele, wetilile ngolinde mu cimungilo, co wamungileo muna ngombe wa nkomba. Co vanu vendekele ngwavo, “Eni vaIsalele, ou ikeye njambi yeni, uje wamitwamenenene nakumitundisa mu lifuti lya Ingito!”

Vilinga vya Miluwa 15:20

Oloni tunapande kuvasonekela mukanda wakuvaleka ngwetu kesi valye vyakulya vyakujeneka kujela omwo vanavikombelela ku tumponya nakulitenga ku vupangala, co lalo kesi valye kasitu wakutikinya nameme kulya maninga.

1 Kolinte 10:14

Ngecivene, vavusamba vange va cizemo, teweni kulemesa tumponya.

1 Kolinte 5:11

Njatumbwile ngwange kesi mulikumbasane na munu uje alitumbula ngwendi napu muka-kukulaela oloni napu muka-vupangala, nambe muka-cipululu, nambe muka-kulemesa tumponya, nambe muka-kushaula, nambe muka-kupenda, nambe muka-kwiva. Kesi mutumbame nakulya na munu wangacije.

1 Kolinte 6:9

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

1 Kolinte 8:7

Oloni kesi ngwe vanu voshe vali na mana awa. Oloni vamo vanezilila tumponya nalelo lino omo valya vyakulya vyangacije vakayongola ngwe vyakundama ku kamponya, citaku-taku cavo cinazeye, co vayongola ngwe valinakulijwalesa omo valya vyakulya vyangacije.

Kwituluka mu Mashiko 9:12

“Asinoni Shukulu Kalunga wendekele kuli yange ngwendi, ‘Zambula shelumuka vwasi ku munkinda uye kuli vanu vove vaje vawatundisile ku Ingito, omwo kuvanjononokele, co vanalingi vuvi vwakama manene akufula kamponya.’

1 Yowano 5:21

Vana vange, linyungeni yeni vavenya nakutunda ku vinjambi va makuli!