1 Kolinte 10:33 - Livulu lya Shukulu Kalunga

³³ Pangeni ngwe muje munjikapanga, njikeseka kuvwaelelesa voshe mu vyoshe vije njikalingi, kunjesi kuyongola vuvwa vwange vavenya, oloni vuvwa vwa voshe, ngeci vakovoke.

1 Kolinte 10:33 Iomraidhean Croise

Loma 11:14

Amo njasa kulingisa vanu va ku muyati wange lifuwa, ngeci njase kwamenako vamo.

Loma 12:5

Mu ngila eyi vene, nambe tunapu tuvavangi, tunapu muvila umolika muli Kilistu, co yetu voshe vanatunungila kuli umo na mukwavo ngwe kulyangunuka kwa vilyo vya muvila umolika.

1 Kolinte 10:24

Naumo wai napande kulishakezekela vuvwa vwendi ikeye vavenya, oloni napande kuyongola vuvwa vwa vakwavo.

1 Kolinte 13:5

cizemo kucesi kulilwisa, cizemo kucesi kulitondela vyaco cikeco vavenya, nambe kucesi kuluvala, cizemo kucesi kukala na likiti-kiti a vyuma vyavivi,

2 Kolinte 12:14

Eyi ololo inapu simbu yamucitatu ije njalivwaesela kwija kuli yeni nakumisikamesa, co lalo kunjishaka kumitwika citele. Oloni cuma njishaka lika kuvanga yeni, kesi vimbongo vyeni embwe. Munima ya vyoshe evi, vanike kuvapandele kukwasa visemi vavo, oloni visemi vakevo vapandele kukwasa vana vavo.

2 Kolinte 12:19

Amo muyongola ngeci tulinakulisambesa yetu vavenya ku mesho eni ndi? Embwe! Tulinakwendeka ngwe omo Kilistu atuleka mukemwo twendeka ku mesho a Njambi, co vyuma vyoshe tulinga, vasamba vange, tulinakuvilinga mukukwasa yeni.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Filipu 2:21

Munu na munu alinakulimwena vyendi vavenya, kesi a vin̄anda vya Yesu Kilistu.

1 Tesalonika 2:16

Vesekele kutuvindika kwambulula lijwi kuli vaje kesi vaYunda ngeci na vakevo vatambule kwovoka. Mu ngila eyi vene vakevo vanashulisa vene seteko ya vivi vije vivalingile simbu yoshe. Co ololo vukalu vwa Njambi akukotoka vunaija ali vakevo!