1 Kolinte 10:3 - Livulu lya Shukulu Kalunga

³ Voshe valile likende lyakulifwa lya munzinzime,

1 Kolinte 10:3 Iomraidhean Croise

Nehemiya 9:15

“Omo vakele na njala, wavanene makende akutunda mwilu, na mema akutunda mu limanya omo vakele na lihwila. Wavalekele kutambula lifuti, lije wavakulaesele kuvanalyo.

Nehemiya 9:20

Mu vuvwa vwove wavalongesele vije vapande kulinga, wavalisile maana, co wavanene mema akunwa.

Myaso 105:40

Valombele, co wavatuminine makokwa vavangi, wavanene vyakulya vyakutunda mwilu, co valile vakutile.

Kutuuka 16:15

Omo vaIsalele vavimwene, co kuvavizivukile ngwavo vinapu vika, ngeci valihozwele umo na mukwavo ngwavo, “Vikevi?” Co Mosesa wavalekele ngwendi, “Evi vikevyo vyakulya vyanamyana Shukulu Kalunga ngeci mulye.

Kutuuka 16:35

VaIsalele valile maana a myaka makumi awana, noo vetele mu lifuti lya Kanana, muje vatungile.

Kutuuka 16:4

Asinoni Shukulu Kalunga wendekele kuli Mosesa ngwendi, “Ololo yeni voshe njikamyana vyakulya vyakutunda mwilu vije vikanyoka ngwe nyonzi. Co vanu vakatuukila anja a litangwa na litangwa nakunona vyakulya vyakupwa a litangwa lije vene. Mu ngila eyi vene njilinakuveseka njimone nga vasa kukava mashiko ange nambe embwe.

Kwituluka mu Mashiko 8:3

Co ikeye wamyononwesele nakumikesa na njala, asinoni wamilisile vyakulya vya maana, vyakulya vije yeni kumwazivukile nambe vakukulwila veni kuvavizivukile mukumilongesa ngeci munu kasa kuyoya na likende lika, oloni kuvanga kukulaela nakwononoka majwi oshe aje endeka Shukulu Kalunga.