1 Kolinte 10:28 - Livulu lya Shukulu Kalunga

²⁸ Oloni nga umo akuleka ngwendi, “Evi vyakulya vinapu vyakukombelela ku tumponya,” asinoni kesi uvilye, omwo ali uje nakuleka, co lalo omwo a citaku-taku,

1 Kolinte 10:28 Iomraidhean Croise

Myaso 115:16

Lilu lya melu lyapwa lya Shukulu Kalunga, oloni kaye wakaanene ku vanu.

Myaso 24:1

Kaye na vyoshe vije vilimo vyapwa vya Shukulu Kalunga, asi na vanu voshe valiho vapwa vendi.

Kutuuka 9:29

Co Mosesa wendekele kuli ikeye ngwendi, “Omo yange njicituuka lika muno mu nganda, njikajundula mavoko ange nakulomba kuli Shukulu Kalunga. Co cililimo cikalikela, nyonzi ya mamanya kuyikanyoko lalo, ngecivene, ukazivuke ngwove kuma kaye kapwa ka Shukulu Kalunga.

Loma 14:15

Nga uvulumuna mukweni omwo a cuma cimo ciwulya, co kuwesi nakulinga vya cizemo embwe. Kesi utave vyakulya vije viwulya vinyongese munu uje yanatsililile Kilistu!

1 Kolinte 10:26

Ngwe muvyendeka visoneka ngwavyo, “Asi na vyoshe vije vilimo vyapwa vya Shukulu Kalunga.”

1 Kolinte 8:7

Oloni kesi ngwe vanu voshe vali na mana awa. Oloni vamo vanezilila tumponya nalelo lino omo valya vyakulya vyangacije vakayongola ngwe vyakundama ku kamponya, citaku-taku cavo cinazeye, co vayongola ngwe valinakulijwalesa omo valya vyakulya vyangacije.

1 Kolinte 8:9

Oloni nyanyameni kutewa moko yeni ikapwa cimbundi cakutanukisa vaje vanazeye mukukukulaela ngeci vawile mu vuvi.

Kwituluka mu Mashiko 10:14

Kengeni, lilu lya mwilu ya melu, na kaye, na vyoshe vilimo vyapwa vya Shukulu Kalunga Njambi yeni.