1 Kolinte 10:25 - Livulu lya Shukulu Kalunga

²⁵ Munapande kulya cuma coshe cakulandesa mu mwela wavulandeselo vwa situ, kesi mwihule vihula vimo omwo a citaku-taku ceni.

1 Kolinte 10:25 Iomraidhean Croise

Vilinga vya Miluwa 10:15

Co lijwi lyendekele kuli ikeye lalo ngwalyo, “Vije vyanajelesa Njambi kesi uvitumbule ngwove vya mazilo.”

Loma 13:5

Ngecivene, a cuma eci munapande kwononoka kuli vaka-kushwana, kesi ngwe omwo akunyanyamesa kwa Njambi lika embwe, oloni omwo lalo a citaku-taku.

Loma 14:14

Kulitombola kwange muli Mwene Yesu mwa vushunga cinanjizivukisa ngeci kukwesi vyakulya avyo lika vyakujwala, oloni nga munu akulaela ngeci vyakulya vimo vinapu vyakujwala, ngecivene, vipwa vyakujwala kuli ikeye.

1 Kolinte 8:7

Oloni kesi ngwe vanu voshe vali na mana awa. Oloni vamo vanezilila tumponya nalelo lino omo valya vyakulya vyangacije vakayongola ngwe vyakundama ku kamponya, citaku-taku cavo cinazeye, co vayongola ngwe valinakulijwalesa omo valya vyakulya vyangacije.

1 Timateo 4:4

Omwo vyuma vyoshe vije vyanatanga Njambi vinapu vyavivwa, nacimo twasa kuvyana cai, oloni vyoshe twasa kuvitambula na lilombelo lyakukandelela,

Tito 1:15

Vyuma vyoshe vinajele kuli vaje vanajele, oloni kukwesi cuma cakujela kuli vaje vanalijwalesa, co lalo kesi vaka-kukulaela, omwo mana avo na citaku-taku cavo vinajwala.