1 Kolinte 10:23 - Livulu lya Shukulu Kalunga

²³ Ngecivene, vendeka ngwavo, “Vanatutavesa kulinga coshe-icoshe.” Eyo, mwa vushunga vene, oloni kesi vyuma vyoshe vyavivwa. “Vanatutavesa kulinga vyuma vyoshe,” oloni kesi vyuma vyoshe vikwasa embwe.

1 Kolinte 10:23 Iomraidhean Croise

Loma 14:15

Nga uvulumuna mukweni omwo a cuma cimo ciwulya, co kuwesi nakulinga vya cizemo embwe. Kesi utave vyakulya vije viwulya vinyongese munu uje yanatsililile Kilistu!

1 Kolinte 14:12

Ngecivene, omo muli na cizango cakushakezeka mavwana a Munzinzime, akamwa ya vyuma vyoshe munapande kweseka manene kupangesa mavwana aje akwasa kutunga cikungulukilo.

1 Kolinte 14:17

Nambe nga lilombelo lyeni lyakukandelela kuli Njambi linapu lyalivwa, oloni ku vanu veka kulyasa kuvawasa embwe.

1 Kolinte 14:26

Evi vikevyo njendeka, vavusamba vange. Omo mukunguluka amo nakulemesa, munu umo ali na mwaso, weka ali na cilongesa, weka asholola vya Njambi, weka ali na lijwi mu vindaka vyeka, co weka lalo anungulule vije vanendeka. Vyuma vyoshe vinapande kukwasa cikungulukilo.

1 Kolinte 6:12

Umo endeka ngwendi, “Vananjitavesa kulinga vyuma vyoshe.” Eyo, oloni kesi vyuma vyoshe vinapu vyavivwa kuli yove embwe. Njasa kwendeka ngwange vananjitavesa kulinga vyuma vyoshe, oloni kunjitava ngeci cuma cimo cinjipwise ndungo embwe.

1 Kolinte 8:1

Ololo, a vyuma vyakukombelela ku tumponya vije vimwasonekele. Mwa vushunga, twazivuka ngeci, “tuvavoshe tuli na mana.”. Mana akalingisa munu ngeci alyalese, oloni cizemo citungisa.

1 Kolinte 8:9

Oloni nyanyameni kutewa moko yeni ikapwa cimbundi cakutanukisa vaje vanazeye mukukukulaela ngeci vawile mu vuvi.

2 Kolinte 12:19

Amo muyongola ngeci tulinakulisambesa yetu vavenya ku mesho eni ndi? Embwe! Tulinakwendeka ngwe omo Kilistu atuleka mukemwo twendeka ku mesho a Njambi, co vyuma vyoshe tulinga, vasamba vange, tulinakuvilinga mukukwasa yeni.

Efeso 4:29

Kesi mupangese majwi amavi omo mwendeka, oloni pangeseni majwi amavwa akukwasa, aje asa kutunga nakumyana vije vimunajeneka, ngeci vyoshe mwendeka vikapwe vyavivwa kuli voshe vaje vamitolilila.

1 Tesalonika 5:11

Ngecivene, litakameseni umo na mukwavo nakulikwasa umo na mukwavo, ngwe muje mumuli nakulinga ololo.

1 Timateo 1:4

Valeke ngwove vanapande kwecela visimutwiya vya visimo vya ku san̄ulu na vya mikana ya mazina a malaja a vakukulwila, vije visholola lika vimata, omwo kuvyesi nakukundama ku vutumbe vwa Njambi, vuje tunavuzivuka akukulaela.