1 Kolinte 10:22 - Livulu lya Shukulu Kalunga

²² Kuma tushaka kulingisa Mwene lifuwa ndi? Kuma tuyongola ngwetu tuli na nzili kutuvakana ikeye ndi?

1 Kolinte 10:22 Iomraidhean Croise

1 Vimyene 14:22

Vanu va Yunda valingile vuvi ku mesho a Shukulu Kalunga, co vashangumwine vukalu vwendi kutuvakana muvalingile vakukulwila vavo voshe.

Yombi 9:4

Njambi muka-mana na nzili, munu naumo wai emana nakumulwisa.

Myaso 78:58

Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kutuuka 34:14

“Ngecivene, kesi mukalemese njambi weka lalo, omwo yange Kalunga, njapwa Njambi wa lifuwa.

Muka-kwambulula 6:10

Vyuma vyoshe vije vilingiwa lelo vavimangele laja ku san̄ulu, co yetu voshe tuzivuka ngeci munu kasa kulinga vimata na uje namutuvakana nzili.

Isaya 45:9

Ngongo ya munu uje alwa na Ishamatanga yendi, munu napu citambi ca ku vitambi vyoshe vya ano asi! Kuma vuma vwasa kwihula muka-kushonga ngwavwo vika ushonga? Nambe kwendeka ngwavwo, eci ulinakushonga kucesi na mavoko?

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Njelemiya 7:19

Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Ezekiyele 22:14

Anga ukapwa uwakunyanyama ndi? Anga ukakala na nzili omo njikalinga evi nove ndi? Munjinendeka yange Kalunga, co njikacilinga.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Kwituluka mu Mashiko 32:16

Vashangumwine lifuwa lya Shukulu Kalunga akulemesa tumponya, co vamuluvalesele na vilinga vyavo vya vunyengwe.

Kwituluka mu Mashiko 32:21

Vananjiluvalesa na tumponya twavo, nakunjilingisa lifuwa na vinjambi vavo va makuli, vinjambi vaje kesi vinjambi va vushunga embwe. Ngecivene, njikashangumwina vaIsalele muyati wa vanu veka ngeci vavaluvalese, co njikavashangumwina lifuwa na muyati wa vulema.

Kwituluka mu Mashiko 4:24

Omwo Shukulu Kalunga Njambi yeni wapwa ngwe tuhya twakunyongesa, ikeye Njambi wa lifuwa, katava kulipandakana na vinjambi veka.

Kwituluka mu Mashiko 6:15

Kesi mukalemese vinjambi veka, kutewa mukashambeya vukalu vwa Shukulu Kalunga Njambi yeni, omwo Shukulu Kalunga Njambi yeni, ou ali akati keni, ikeye Njambi wa lifuwa, co akaminyongesa njwa.

VaHevelu 10:31

Cinapu cuma cakujajesa kuwila mu mavoko a Njambi wakuyoya!

Yoshwa 24:19

Co Yoshwa wendekele kuli vanu va Isalele ngwendi, “Oloni kumukasa kupangela Shukulu Kalunga, omwo ikeye wapwa Njambi wakujela, co ikeye wapwa Njambi wa lifuwa. Ikeye kakamisambesa ku vuvi vweni na ku milonga yeni,