1 Kolinte 10:11 - Livulu lya Shukulu Kalunga

¹¹ Vyuma vyoshe evi vyalingiwile kuli vakevo kupwa cimweso ngeci veka vamweneko, co vavisonekele mukutunangula yetu. Omwo tulinakuyoya a simbu ije ili kuyehi na mamaneselelo.

1 Kolinte 10:11 Iomraidhean Croise

Kushangumuka 19:35

Ngecivene, a vutsiki vuje, vanwisile ishavo lalo vinyu vyakulula, co uje munendi wa mwanike walimwene nendi. Oloni Lote wapendele lalo manene, kazivukile vije vyalingiwile.

Myaso 102:18

Sonekela vyuma evi ku cisemwa cije cikaija kulutwe, ngeci vanu vaje kanda vasemuke, navo lalo vakashangazale Shukulu Kalunga, soneka ngwove,

Ezekiyele 5:15

“Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Mateo 13:39

co citozi uje waikuvile ikeye Liyavola. Co kuteja kunapu kuhwa kwa kaye, vaka-kuteja vakevo tungelo.

Mateo 13:40

Ngwe omo muvakungulwile shaku nakuyenyeka, ngecivene, mukemwo muvakalinga akuhwa kwa kaye.

Loma 13:11

Yeni munapande kulinga ngacije, omwo mwazivuka ngweni simbu inete ngeci mwinduke mu tulo. Omwo simbu yakutwamena ili kuyehi kutuvakana muje muyakele omo twakulaelele akulivanga.

Loma 13:12

Vutsiki ololo vukya, litangwa ololo lituuka. Tulikeleni kulinga vyuma vije vyakundama ku lisusulungu, co twambateni vitwa vyakulwa navyo mu mutanya.

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Loma 4:23

Majwi awa “vamulavelelekwo kupwa muka-vushunga” kuvawasonekelele ikeye lika embwe.

1 Kolinte 10:6

Ololo, vyuma vyoshe evi vinapu cimweso kuli yetu, mukutunangula kesi tukale na mashungu akulinga vyuma vyavivi, ngwe muvalingile vakevo,

1 Kolinte 7:29

Evi vyalumbunuka ngeci, vavusamba vange, kukwesi simbu yakama yasalako, co kutunda a simbu ino kutwala kulutwe vaka-kwambata vanapande kuyoya ngwe kesi kuvesi na vanakazi,

1 Kolinte 9:10

Kuma ikeye katumbwile yetu omo wendekele eci ndi? Mwa vushunga eci vacisonekelele yetu. Omwo uje munu alinakulima na uje alinakuteja vanapande kulinga vipangi vyavo a cinyangavili cakutambula mutambela wa vimbuto vyavo.

Ngalatiya 4:24

Vyuma evi twasa kuvizivuka ngwe cisimo, vanakazi vavali vanemanena mazivasano avali. Uje wakele na mwana ivakitilile mu vundungo ikeye Hangale, co nemanena lizivasano lije livalingile ku Munkinda wa Sinai.

Filipu 4:5

Mweseni kalemeso kuli vanu voshe. Mwene alinakwija ololo.

VaHevelu 10:25

Kesi tulikele kulikungulula amolika, ngwe futisi ya vamo. Oloni tulikoleseni umo na mukwavo nakuhyana, omwo Litangwa lya Mwene lili muyehi.

VaHevelu 10:37

Ngwe muje muvyendeka visoneka ngwavyo, “Kucili kasimbu kakandondo lika co uje alinakwija akaija, co kakeshwala embwe.

1 Yowano 2:18

Vana vange vavandondo, eyi ikeyo simbu yakukotoka! Ngwe muvamilekele ngwavo Citozi ca Kilistu alinakwija, co ololo vitozi vavangi va Kilistu vanasholoka laja, co twazivuka ngwetu simbu yakukotoka ilimuyehi.