1 Kolinte 10:10 - Livulu lya Shukulu Kalunga

¹⁰ Nambe kutwapandele kulinyenga, ngwe muvalingile vamo vavo, co vavanyongesele kuli Kangelo wa Kutsa.

1 Kolinte 10:10 Iomraidhean Croise

2 Samwele 24:16

Omo kangelo ka Shukulu Kalunga washakele ngeci anyongese Yelusalema, Shukulu Kalunga watengulwile viyongola vyendi vyakuhisa vanu, co wendekele kuli kangelo uje wakele nakuvatsiya ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

1 Mizimbu 21:15

Asinoni Shukulu Kalunga watumine kangelo ngeci anyongese Yelusalema, oloni watengulwile viyongola vyendi, co wendekele kuli kangelo ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

2 Mizimbu 32:21

Co Shukulu Kalunga watumine kangelo uje wakatsiile mashwalale na vamyata va mbunga ya mashwalale vaAsilya. Ngecivene, mwene welukile na shwamwa ku lifuti lyendi. Co litangwa limo omo wakele mu njuvo ya njambi yendi, vana vendi va vanalume vamutsiile na mikwale yavo.

Myaso 106:25

Valinyenyetele mu vimbalaka vyavo, co kuvononokele ku lijwi lya Shukulu Kalunga.

Kutuuka 12:23

Omo Shukulu Kalunga akaita mu Ingito nakutsiya vaka-Ingito, co ikeye akamona maninga a cipamba ca cikolo ca njuvo, co kakatavesa uje Kangelo Muka-kutsiya kukovela mu vinjuvo vyeni nakumitsiya.

Kutuuka 15:24

Co vanu valinyengelele kuli Mosesa vamwihwile ngwavo, “Vikajo tunwa?”

Kulava 14:2

Co valinyenyetelele kuli Mosesa na Alone. Asinoni mbunga yoshe vendekele ngwavo, “Tawe! Nga capwile mwamuvwa manene kutsila mu Ingito nambe ngano muno mu mambo!

Kulava 14:37

Co vaje vaka-kunenga vanenele vukaleo vwa makuli vwa lifuti lije, vakevo vene vatsile ku mushongo wakulitambwisa.

Kulava 16:11

Ngecivene, yove na mbunga yove yoshe mwalikungulwile nakutengulukila Shukulu Kalunga, cooni Alone ikeye iyajo ngeci mulinyenyetele kuli ikeye?”

Kulava 16:41

Alikaki mbunga yoshe ya vanu va Isalele valinyenyetelele kuli Mosesa na Alone vendekele ngwavo, “Yeni munatsii vanu va Shukulu Kalunga.”

Kulava 17:10

Co Shukulu Kalunga wendekele kuli Mosesa ngwendi, “Ilwisa mulamu wa Alone kulutwe lwa Cikasa ca Cikumiiyo. Vaunyunge kupwa cizivukiso kuli vanu va Isalele ca vaka-kulitengulukila. Eci cikamanesa kulinyenyeta kwavo kuje valinakulinyenyetela kuli yange, ngeci kesi vatse.”

Kulava 17:5

Co mulamu wa munalume uje injikaangula ukajovelela. Mu ngila eyi njikamanesa kulinyenyeta kwa vanu va Isalele kuje vakalinyenyetela kuli yeni.”

Vilinga vya Miluwa 12:23

Aje vene kangelo ka Mwene wapupile Helonde, omwo kaanene kasingimiko kuli Njambi. Co mainyo vamulile, co watsile.

Filipu 2:14

Lingeni vyuma vyoshe kujeneka kulinyenyeta nambe kulikanangana,

VaHevelu 11:28

Akukulaela, washikile kunyunga Ciwano ca Pasovala, co washikile lishiko lyakushamwina maninga ku vikolo, ngeci uje Kangelo Muka-kutsiya kesi atsiye vana va vanalume va ntwatwa va vaIsalele.

Yunda 1:16

Vanu ava simbu yoshe vaka-kungunguta nakwana mulonga vakwavo, vakakavangeya mashungu avo amavi, vaka-kulishasha nakwendeka majwi a kulyalesa kuli vakwavo ngeci vapange vizango vyavo.

Kujombolola 16:1

Asinoni njazivile lijwi lyakama lyatundile mu Njuvo ya Shukulu Kalunga lyendekele kuli tungelo vatanu na vavali ngwalyo, “Yeni muketile asi aje malonga atanu na avali a vukalu vwa Njambi!”