1 Kolinte 10:1 - Livulu lya Shukulu Kalunga

¹ Njishaka ngeci muzivuke vavusamba vange vije vyalingiwile kuli vakukulwila vetu vaje vakavele munima ya Mosesa. Voshe vavanyungilile mu lishelwa, co voshe vetile mu Lishali lya Mema Akuvenga kujeneka vushonde.

1 Kolinte 10:1 Iomraidhean Croise

Nehemiya 9:19

Oloni kuwavasezele muje mu mambo, omwo ngozi yove yapwa yakama. Kuwatundisile lije lishelwa nambe tuhya, vije vyavamwesele ngila ku mutanya na ku vutsiki.

Myaso 105:39

Njambi waakele lishelwa akamwa ya vanu vendi, na tuhya twakuvatwila ceke ku vutsiki.

Myaso 66:6

Watepesele mema a kalunga, co vakukulwila vetu vajavukile ndonga na mendi. Co twajolelele omwo a vije vyalingile.

Myaso 78:53

Ikeye wavatwamenenene mwamuvwa, co kuvazivile lyova, oloni mema a kalunga akupwile vitozi vavo.

Kutuuka 14:29

Oloni vaIsalele vendele a livu lyakuma cau, co vendele mukati ka vivumbe vya mema noku-noku.

Kutuuka 40:34

Asinoni lishelwa lyafwikile Mbalaka, co ceke ca vumpau vwa ku mesho a Shukulu Kalunga cashulisile Mbalaka.

Kulava 14:14

co vakevo vakambulula kuli vanu ava vakala mu lifuti lino. Omwo vanazivi laja ngwavo yove Shukulu Kalunga uli netu, omwo yove Shukulu Kalunga tukakumono mesho na mesho, na lishelwa lyove likemana akamwa yetu. Co yove lalo ukatwama kulutwe lwetu mu manda ya lishelwa ku mutanya na mu manda ya tuhya ku vutsiki.

Kulava 33:8

Vatundile ku Pi Hahilote vetile mukati ka Mema a Kalunga Akuvenga nakweta mu mambo ya Shule, co vendele vungenzi vwa matangwa atatu mu mambo ya Etame. Asinoni vakatungile cilombo cavo ku Mala.

Yowano 4:20

Vakukulwila vange vaSamaliya valemesele Njambi a munkinda ou, oloni yeni vaYunda mukendeka ngweni tunapande kulemesela Njambi ku Yelusalema lika.”

Loma 1:13

Vakwetu, munapande kwanuka ngweni visimbu vyavingi njakele na vutumbe vwakwija oko nakumisikamesa, oloni kuli cuma cimo cinanjivindika. Njishaka kukoka vanu akati keni, ngwe munjinalingi akati ka vaje kesi vaYunda.

Loma 11:21

Omwo nga Njambi katetelele vaYunda, vaje vanalifu ngwe minango ya cisemwa, muyongola ngweni akamitetela ndi?

Loma 4:11

Vamutuwile, co kutuuka kwendi kwapwile cimweso kumwesa ngeci omwo akukulaela kwendi Njambi wamulaveleleco kupwa muka-vushunga simbu kanda vacimutuule. Ngecivene, Avilahama napu ishe ya voshe vaka-kukulaela kuli Njambi, co Njambi navatambula kupwa vaka-vushunga, nambe kuvatuukile.

1 Kolinte 12:1

Ololo, a vin̄anda vije mwanjisonekelele vya mavwana a ku Munzinzime Wakujela. Vasamba vange, njishaka ngeci muzivuke vushunga vwawo.

1 Kolinte 14:38

Oloni nga katolilila vyuma evi, co kesi mumutolilile.

Ngalatiya 3:29

Co nga munakundama kuli Kilistu, ngecivene, yeni munapu vatekulwila va Avilahama, co mukatambula vije vyakulaesele Njambi.

Kwituluka mu Mashiko 1:33

uje simbu yoshe watwamene kulutwe lweni nakumiwanena mutambela wakutungila cilombo cendi, nakumisholwela ngila. Co ikeye watwamene kulutwe lweni mu manda ya tuhya ku vutsiki, na mu manda ya lishelwa ku mutanya.

VaHevelu 11:29

Akukulaela, vanu va Isalele kwavasesele kujavuka Lishali Lyakuvenga ngwe a nunda yangoco, omo vaka-Ingito vesekele kucilinga, co voshe vanyongele.

Yoshwa 4:23

Mukavaleka ngweni Shukulu Kalunga Njambi yetu womisile mema a mu Yondau cau omwo twajavukile, ngwe muje lalo mwomisile cau mema a mu Lishali Lyakuvenga,