1 Kolinte 1:9 - Livulu lya Shukulu Kalunga

⁹ Njambi vanapande kumukulaela, Njambi uje wamisanene ngeci mukale mu kulitombola amo na Munendi Yesu Kilistu Mwene yetu.

1 Kolinte 1:9 Iomraidhean Croise

Myaso 100:5

Omwo Shukulu Kalunga wapwa wamuvwa, na cizemo cendi cije kucesi kutenguluka cakala ku myaka yoshe, na kulongwa kwendi lalo kwakala ku myaka yoshe.

Isaya 11:5

Akashwana vanu vendi mu vushunga na mu kulongwa.

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Isaya 49:7

Njambi wakujela wa Isalele na muyoyesi nendeka kuli uje uvayengula vanu, uje ivazinda vaka-mafuti, nakupwa ngamba ya vaka-kushwana ngwendi, “Vimyene vakakumona omo ukapatuka, co vakemana mukumwesa kasingimiko kavo, na vana va vimyene lalo vakacimona, co vakakulama nakukusingimika.” Eci cikalingiwa omwo Shukulu Kalunga, naangula ngamba yendi, Njambi wakujela wa Isalele, muka-kunyunga cikulaeso cendi.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Mateo 24:35

Lilu na asi vikaita, oloni majwi ange kuwakaiti embwe.

Yowano 17:21

Njivalombelela ngeci voshe vapwe umo. Ove Tate! Vakale muli yetu, ngwe omo yove wakala muli yange nange muli yove. Vapwe umo, ngecivene, vaka-kaye vakakulaele ngwavo kuma yove wanjitumine.

Loma 11:17

Oloni nga minango imo ya ku muti wa olive wakukuna vanaijokolako, co munango wa olive wa mu shwata vanaunungilako. Yeni kesi mu vaYunda munapu ngwe uje muti wa olive wa mu shwata, co ololo munalipangela yoyesi yaivwa ya munzinzime ya vaYunda.

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

Loma 8:30

Co vaje vaangunwine Njambi, vakevo vaasanene, co vaje vaasanene, wavapwisile vaka-vushunga ku mesho endi, co wavanene vumpau vwendi.

Loma 9:24

Omwo tunapu vanu vaje vasanene, kesi lika akati ka vaYunda embwe, oloni lalo na akati ka vaje kesi vaYunda.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 10:13

Vyeseko vyoshe vilinakwija kuli yeni vinapu ngwe vije vakeseka navyo vanu voshe. Oloni Njambi akanyungu cikulaeso cendi, co katava ngeci vamyeseke na vyeseko vyakutuvakana nzili yeni ngeci mwimane mbe, a simbu ije vamyeseka, ikeye akamyana nzili yakukolesa, co amisholwela ngila ngeci mwase kutundamo.

1 Kolinte 10:16

Nganja ije tukapangesa ku Mesa ya Mwene, ije itukakandelela kuli Njambi, omo tuyinwa tulinakulipangela maninga a Kilistu. Na likende lije tukapazula, omo tulilya, tulinakulipangela muvila wa Kilistu.

2 Kolinte 1:18

Oloni Njambi wapwa muka-vushunga, majwi etu kuli yeni kuwapwile, “Eyo” nambe “Embwe.”

Ngalatiya 1:15

Oloni Njambi mu kutetela kwendi wanjangwile omo kanda njisemuke, co wanjisanene mukumupangela. Co omo wayongwele

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

Efeso 3:6

Cisin̄iko cije cinapu eci, ngeci a lijwi lya muzimbu wauvwa vaje kesi vaYunda ololo vali na mutambela amo na vaYunda mu vivezikiso vya Njambi, vakevo vanapu vilyo vya muvila umo nakulipangela mu cikulaeso ca Njambi cije calingile ali Kilistu Yesu.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Kwituluka mu Mashiko 7:9

Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

1 Tesalonika 2:12

Twamitakamesele, twamizembelekele, twamisindiiye kuyoya yoyesi ije ivwaelelesa Njambi, uje alinakumisana ngeci mulipangele amo Vumwene vwendi vavenya na vumpau.

2 Tesalonika 2:14

Njambi wamisanene ngeci mulinge cuma eci a Vin̄anda Vyavivwa vije vitwambulwile kuli yeni, wamisanene ngeci mukafuke mutambela weni wa vumpau vwa Mwene yetu Yesu Kilistu.

2 Tesalonika 3:3

Oloni Mwene ikeye wa kulongwa, co akamitakamesa nakuminyunga kuli uje Muka-vuvi.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

2 Timateo 2:13

Nga kutupu va kulongwa, Ikeye anga wapwa wa kulongwa, omwo kasa kulivyana ikeye vavenya.”

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

VaHevelu 10:23

Co tukakateyeni mbe ku cinyangavili cije tunatava, omwo tunakulaela ngwetu Njambi nanyungu cikulaeso cendi.

VaHevelu 11:11

Akukulaela, Avilahama wapwile cisemi nambe ikeye wakuluvalele manene, co na Sala lalo kasele kukala na vana. Wakulaelele kuli Njambi kunyunga cikulaeso cendi.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 3:1

Vakwetu muli Yesu, vaje vasanene Njambi! Yongoleni ali Yesu, uje yatumine Njambi kupwa Muka-kukombelela Wakama kukukulaela kuje tunatava.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 4:13

Twazivuka mwamuvwa ngwetu tuli muli Njambi, co na ikeye alinakuyoya muli yetu, omwo natwana Munzinzime wendi.

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.