1 Kolinte 1:8 - Livulu lya Shukulu Kalunga

⁸ Ikeye lalo akamikolesa mbe na ku shongo, ngeci kesi vakamiwane na mulonga a Litangwa lya Mwene yetu Yesu Kilistu.

1 Kolinte 1:8 Iomraidhean Croise

Myaso 37:17

Shukulu Kalunga akatundisa nzili ya vaka-vuvi, oloni akanyunga vaje vanapu vavavwa.

Myaso 37:28

Omwo Shukulu Kalunga wazema vije vyavivwa, ikeye kesi kuseza vanu vendi vaje vamukulaela, co ikeye akavanyunga simbu yoshe, oloni vatekulwila va vaka-vuvi vakavashekela anja.

Luka 17:24

Ngwe omo muhyato ukahyatula mwilu, co vaumona utunda ku mutambela umo wa lilu uya ku mutambela ukwavo wa lilu, ngeci lalo Muna Munu mwakafwa a litangwa lyendi.

Luka 17:30

Mukemwo lalo mucikafwa a litangwa lyakasholoka Muna Munu.

Loma 14:4

Yove iyajo ngeci uhise ngamba yambala? Kuvanga uje shukulu yendi ikeye aangula nga uje ngamba alinga mwamuvwa nambe onwa. Co alinga mwamuvwa, omwo Mwene ikeye amulingisa ngeci alinge mwamuvwa.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

Loma 8:19

Omwo vyakutanga vyoshe vili na cizango cakukengelela Njambi ngeci asholole vana vendi.

1 Kolinte 3:13

Co vipangi vya munu na munu vikasholoka a Litangwa lya Kilistu lije likavisholola. Omwo a Litangwa omwo vakavimwesa lije tuhya tukasholola vipangi vya munu na munu, tuhya tukavyeseka nakusholola seo yavyo.

1 Kolinte 5:5

kundikeni ou munalume kuli Satana ngeci muvila wendi ukanyonge, oloni munzinzime wendi ukovoke a Litangwa lya Mwene Yesu.

2 Kolinte 1:13

Tumisonekela lika vije mwasa kulava nakuzivisisa. Oloni nameme mutuzivisisa lika kamandondo, njayongola ngwange mwasa kutuzivisisa mwamuvwa,

2 Kolinte 1:14

ngeci a Litangwa lya Mwene yetu Yesu ngeci yeni netu tukalyalesele ali umo na mukwavo.

2 Kolinte 1:21

Oloni napu Njambi vavenya uje atutakamesa amo neni, ngeci myonyo yetu muli Kilistu, ikeye vavenya Njambi uje natwangula,

Efeso 5:27

ngeci akemike cikungulukilo ku mesho endi mu vuvwa vwaco vwoshe, cakujela nakujeneka mulonga, nambe kapenga kamo, nambe ka mucinya nambe ka cuma keka kakucijwalesa.

Filipu 1:10

ngeci mwase kwangula vyavivwa. Asinoni mukapwe vaka-kupatuka ku mazilo oshe nakujeneka mulonga Litangwa lya Kilistu.

Filipu 1:6

Ngecivene, njazivuka ngwange Njambi, uje washangumukile cipangi eci cacivwa muli yeni, akatwalao noo nacimanesa a Litangwa lya Yesu Kilistu.

Kolose 1:22

Oloni ololo, a kutsa kwa Munendi, Njambi namipwisa mu vasamba vendi, ngeci aminene ku mesho endi kupwa vanu vakujela nakulambasa nakujeneka mulonga.

Kolose 2:7

Mizi yeni ishalave manene muli ikeye, tungileni myonyo yeni ali ikeye, co pweni vaka-nzili manene mukukulaela kweni, ngwe muje muvamilongesele. Co shuleni nakukandelela.

1 Tesalonika 3:13

Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.

1 Tesalonika 5:2

Omwo yeni vavenya mwazivuka ngweni Litangwa lya Mwene likaija ngwe mwizi omo akaija a simbu ya vutsiki.

2 Tesalonika 2:2

kesi mukale na citanga vwasi-vwasi mu viyongola vyeni nambe cishota-mbunge ngweni Litangwa lya Mwene linete. Amo vayongola ngeci twendekele eci omo twambulwile vuka-kwimanena nambe omo twambulwile lijwi, nambe amo twasonekele eci mu mukanda.

2 Tesalonika 3:3

Oloni Mwene ikeye wa kulongwa, co akamitakamesa nakuminyunga kuli uje Muka-vuvi.

2 Timateo 1:12

eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

2 Timateo 1:18

Mwene akamwane kutetela kwendi a Litangwa lije! Wazivuka mwamuvwa kukwasa kwendi muje njakele mu Efeso.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

2 Petulu 3:10

Oloni Litangwa lya Mwene likaija ngwe mwizi. A Litangwa lije kaye kakanyongolokota na cililimo cakama, co vyuma vya mwilu vikenya njwa nakunyonga, co kaye na vyuma vyoshe viliho vikanyongolokota.

2 Petulu 3:14

Ngecivene, vasamba vange, omo mulinakuvandamena Litangwa lije, esekeni na nzili yeni yoshe kupwa vakakujela na vaka-kujeneka mulonga ku mesho a Njambi nakukala mu kwoloka amo nendi.