1 Kolinte 1:6 - Livulu lya Shukulu Kalunga

⁶ Lijwi lya Kilistu vanalikolesa nakulitakamesa muli yeni

1 Kolinte 1:6 Iomraidhean Croise

Mako 16:20

Vandongisi vaile nakwambulula kwoshe, co Mwene wapangele amo navo nakushulisa ngeci kwambulula kwavo kwapwile kwa vushunga a vizivukiso vije vyalingiwile.] [ 9 Vanakazi vaile kuli Petulu na vasamba vendi, co vavalekele vukaleo vwa vyuma vyoshe vije vavalekele. 10 Munima yevi, Yesu ikeye vavenya watumine vandongisi vendi kutunda mu ngangela kutwala mu kangombe ka yambi ngeci vatwale lijwi lyakujela lyakwovoka kwa myaka yoshe.]

Vilinga vya Miluwa 11:17

Nga Njambi waanene vaje kesi vaYunda vwana vumolika ngwe vuje vwatwanene yetu omo twakulaelele kuli Mwene Yesu Kilistu, cooni yange yange iyajo ngeci njivindike Njambi?”

Vilinga vya Miluwa 11:21

Cooni nzili ya Mwene yakele ali vakevo, co mbunga yakama ya vanu vakulaelele nakutengulukila kuli Mwene.

Vilinga vya Miluwa 18:5

Omo Silasi na Timateo vetele kutunda ku Masendoniya, Paulu simbu yendi yoshe walyanene ku cipangi kwambulula muzimbu nakwana vukaleo kuli vaYunda ngeci Yesu ikeye Wakuvwavesa.

Vilinga vya Miluwa 20:21

Kuli vaYunda na kuli vaje kesi vaYunda voshe njavanangwile ngeci vatenguluke ku vivi vyavo nakwija kuli Njambi nakukulaela kuli Mwene yetu Yesu.

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 22:18

mu cimona cije njamwene Mwene endeka kuli yange ngwendi, ‘Zambula utunde mu Yelusalema vwasi-vwasi, omwo vanu vali muno kuvasa kutambula vukaleo vwove vwa ali yange.’

Vilinga vya Miluwa 23:11

Ku vutsiki vuje vene Mwene wemanene kuyehi na Paulu wendekele ngwendi, “Kesi uzive lyova! Unaana vukaleo vwove ali yange muno mu Yelusalema, co unapande kulinga cifwa cimo lalo na mu Loma.”

Vilinga vya Miluwa 28:23

Ngecivene, vemikile litangwa lyakuliwana na Paulu, co a litangwa lije mbunga yakama vezile kuje kwakele Paulu. Kutunda ku mutondo kweta ku cingwezi wavalumbunwinine muzimbu wendi wa Vumwene vwa Njambi, co wesekele kuvalumbunwina vukaleo vwa Yesu akuvaleka majwi a mu Lishiko lya Mosesa na majwi a mu visoneka vya vaka-kwimanena.

Loma 15:19

na nzili ya vizivukiso na vikomokeso, na nzili ya Munzinzime wa Njambi. Ngecivene, mukwenda kutunda ku Yelusalema nakweta ku Ilikyume, njinamanesa kwambulula Vin̄anda Vyaviwa vya Kilistu.

2 Kolinte 12:12

Vizivukiso na vikomokeso vyavingi vyalingiwile na lukakateya akati keni visholola vukaleo ngeci yange njinapu nji muluwa.

Ngalatiya 3:5

Kuma Njambi namyana Munzinzime nakulinga vizivukiso akati keni omwo mulinga vije Majwi a Lishiko avishaka nambe omwo muziva muzimbu nakuukulaela ndi?

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

1 Timateo 2:6

uje walyanene ikeye vavenya kupwa ndando yakupatula vanu voshe. Vuje vwapwile vukaleo a simbu yaivwa ngeci Njambi washakele vanu voshe vovoke,

2 Timateo 1:8

Ngecivene, kesi uzive shwamwa yakwambulula vukaleo vwa Mwene yetu, nambe kesi ukale na shwamwa ali yange, cinzinda omwo ali Kilistu. Oloni ambatako mutambela mukuyandela Vin̄anda Vyavivwa, ngwe omo Njambi akwana nzili yakuvilinga.

Kujombolola 1:2

co Yowano nambulula vyoshe vije vyamwene. Ovu vukevwo vukaleo vwendi kupwisa ku muzimbu watundile kuli Njambi na vushunga vuje vwajombolwele ali Yesu Kilistu.

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.

Kujombolola 12:11

Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.

Kujombolola 12:17

Co uje canza-ngombe waluvalele manene na uje munakazi, co welukile mukukalwisa naanga ya uje munakazi vaje vasaleleo, vaje voshe vononoka mashiko a Njambi na kulongwa ku vushunga vuje vwajombolwele Yesu.

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.

Kujombolola 6:9

Asinoni Muna Manga wavatwile kasateso kamucitanu. Co njamwene mwisi ya mutula myonyo ya vaje vavatsiile omwo vambulwile lijwi lya Njambi, co vapwile vaka-kulongwa mu vukaleo vwavo.