1 Kolinte 1:27 - Livulu lya Shukulu Kalunga

²⁷ Oloni Njambi mu cizango cendi waangwile vije vivayongwele vaka-kaye ngwavo vyangoco ngeci azivise shwamwa vaka-mana, co lalo waangwile vije vivayongwele vaka-kaye ngwavo vyakuzeya ngeci azivise shwamwa vaka-nzili.

1 Kolinte 1:27 Iomraidhean Croise

Myaso 8:2

vimbututu na vanike valinakuvwimba. Unovoka ku vitozi vove voshe, uvindika woshe uje akuyeluwisa.

Isaya 29:14

Ngecivene, kengeni, njikalinga lalo vyuma vyakukomokesa a vanu ava, co njikanyongesa mana a vaje valiyongola ngwavo vali na mana nakuzivuka.”

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Njelemiya 8:9

Vanu veni vaka-mana vali mu citanga, co vakavakwata nakuvazivisa shwamwa. Vanavyana majwi ange, mana akajo valinawo?

Zefaniya 3:12

Mu Yelusalema njikasezamo lika vanu vaka-kulilumbilisa na vaka-kulikeesa, vaje vakaija kuli yange mukuvakwasa.

Kulava 22:30

Co cimulu wamukumbulwile ngwendi, “Kuma kesi yange cimulu cove iwukalondo visimbu vyoshe kweta na ku lelo ndi? Kuma kwakele visimbu vimo vinjakulingile ngacije ndi?” Co Mbalame wamukumbulwile ngwendi, “Embwe.”

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Mateo 21:16

Ngecivene, vehwile Yesu ngwavo, “Unazivi evi valinakwendeka ava ndi?” Yesu wavakumbulwile ngwendi, “Eyo njavizivi. Kuma kumwalavele mu visoneka ngwavo, ‘Mutunwa twa vanike na vimbututu mukemwo mukatunda kushangazala kwa vushunga ndi?’ ”

Mateo 9:9

Omo Yesu watundile ku mutambela uje, wamwene munu lizina lyendi Mateo, natumbama ku njuvo yakutambwila lisimu. Co Yesu wendekele kuli ikeye ngwendi, “Njikave.” Co Mateo wakatukile wamukavele.

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Vilinga vya Miluwa 17:18

Vamo valongisi va munga ivatumbwile ngwavo Epikulyu na munga ya Sitoike valikananganene nendi. Vamo vavo vehwile ngwavo, “Vika ashaka kwendeka ou cilema wa kulyalesa?” Veka vendekele ngwavo, “Cisholoka ngwe alinakwendeka vya vinjambi veka.” Vendekele evi omwo Paulu wakele nakwambulula vya Yesu na cisangukilo.

Vilinga vya Miluwa 7:35

“Ou ikeye Mosesa uje ivavyanene vanu va Isalele vamwihwile ngwavo, ‘Iya nakupwisa muka-kushwana nambe lyaako akati ketu?’ Ikeye vene uje yatumine Njambi kupwa muka-kushwana vanu nakuvapatula akukwasa kwa kangelo uje wamusholokelele mu liputa lije lyakele nakwenya.

Vilinga vya Miluwa 7:54

Omo vaje vaka-Munga vatolililile kuli Setefano, co valuvalele manene nakulishumanga ku mayo avo mukuviilila.

1 Kolinte 1:20

Ngecivene, muka-mana ali kuli? Nambe vaka-kulilongesa? Nambe muka-vimata wa mutongwe wa ano a kaye? Njambi namwesa ngeci mana a ano a kaye anapu a vulema!

1 Kolinte 1:21

Omwo Njambi mu mana endi nalingisa vanu ngeci kesi vamuzivuke mu mana avo. Oloni mu ngila eyi ya muzimbu vatumbula ngwavo wa “vulema” tulinakwambulula, Njambi wayongwele kwamena vaje vakulaela.

1 Kolinte 2:12

Kutwatambwile munzinzime wa ano a kaye embwe, oloni tunatambula Munzinzime uje utunda kuli Njambi, ngeci tuzivuke vyoshe vije vyanatwana Njambi.

2 Kolinte 10:10

Omwo umo endeka ngwendi, “Mikanda ya Paulu yaikalu, ya nzili, oloni omo ali netu napu wakuzeya na vyendeka vyendi vyangoco!”

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.